பெரம்பலூர் மாவட்டத்தில் வாக்காளர்களை வரவேற்கும் வகையில் 8 மாதிரி வாக்குச்சாவடிகள் அமைக்கப்பட்டுள்ளன என்றார் மாவட்ட ஆட்சியரும், தேர்தல் நடத்தும் அலுவலருமான க. நந்தகுமார்.
இதுகுறித்து அவர் வெளியிட்ட செய்திக்குறிப்பு:
பெரம்பலூர் மாவட்டத்தில் மொத்தம் உள்ள வாக்குச்சாவடிகளில் வேப்பந்தட்டை வட்டம், உடும்பியம் ஊராட்சி ஒன்றிய நடுநிலைப்பள்ளி, நெற்குணம் அரசு மேல்நிலைப்பள்ளி, பெரம்பலூர் ஸ்ரீ ராமகிருஷ்ணா மெட்ரிக். பள்ளி,குன்னம் தொகுதியில் மருவத்தூர் ஊராட்சி ஒன்றிய தொடக்கப்பள்ளி, ஆலத்தூர் வட்டம்,மேலமாத்தூர் ஊராட்சி ஒன்றிய தொடக்கப்பள்ளி, நக்கம்பாடி ஊராட்சி ஒன்றிய நடுநிலைப்பள்ளி, காட்டியான் குடிகாடு ஊராட்சி ஒன்றிய தொடக்கப்பள்ளி உள்ளிட்ட 8 வாக்குச்சாவடிகள் மாதிரி வாக்குச்சாவடிகளாக அமைக்கப்பட்டுள்ளது.
இந்த வாக்குச் சாவடிகளில் நுழைவு வாயிலில் வாழை மரங்கள், மா இலைத் தோரணங்கள் கட்டி வாக்காளர்களை வரவேற்கும் விதமாக மாதிரி வாக்குச்சாவடிகள் அமைக்க தேர்தல் ஆணையம் உத்தரவிட்டுள்ளது.
இதேபோல,பெரம்பலூர் மற்றும் குன்னம் தொகுதிக்குள்பட்ட லப்பைக்குடிகாட்டில் அமைக்கப்பட்டுள்ள மகளிர் வாக்குச்சாவடிகளில் பெண்களை பூத் ஏஜென்டுகளாக நியமிக்க அரசியல் கட்சிகள் முன்வர வேண்டும் எனத் தெரிவிக்கப்பட்டுள்ளது.
கருத்துகள் இல்லை:
கருத்துரையிடுக