சட்டத்துறை வல்லுனரும், இரு மத்தியப் பல்கலைக்கழகங்களின் வேந்தராகவும் உள்ள என்.ஆர். மாதவமேனனின் முக்கிய கட்டுரை.
மாதவ மேனனின் Draft National policy on Criminal Justice (2007) குறித்து நான் கடுமையாக விமர்சித்துள்ளேன்.
எனினும் குற்ற நீதி மற்றும் அது தொடர்பான சட்டங்கள் குறித்த வல்லுனர் அவர். ‘தேசிய சட்டப் பள்ளிப் பல்கலைக் கழகத்தை’ நிறுவியவர். இரு பல்கலைக் கழகங்களில் துணைவேந்தராகச் செயல்பட்டவர். பத்ம ஸ்ரீ விருது வழங்கப்பட்டவர்.
மாதவ மேனன் அலிகர் முஸ்லிம் பலகலைக் கழக மாணவர் என்பதையும், அங்கு சில காலம் பேராசிரியராகப் பணியாற்றீயவர் என்பதையும் இந்தக் கட்டுரையை வாசித்த போதுதான் அறிந்து கொண்டேன்.
முஸ்லிம்களின் கல்வி வளர்ச்சி கருதியும், வளர்ச்சிப் போக்கில் முஸ்லிம்கள் மைய நீரோட்டத்திலிருந்டு விலகிவிடக் கூடாது என்கிற நோக்கத்துடனும் சென்ற நூற்றாண்டில் சர் சையத் அகமட் உட்பட முஸ்லிம் பெரியவர்களால் உருவாக்கப்பட்ட அலிகர் முஸ்லிம் பல்கலைக் கழகத்தின்சிறுபான்மை நிலையை அழிப்பது என இன்றைய பாஜக மட்டுமல்ல முந்தைய காங்கிரஸ் ஆட்சிகளும் முயற்சித்ததுண்டு. அதை எதிர்த்து முஸ்லிம் பெரியவர்கள் போராடிய வரலாற்றை ஒரு ஆறேழு ஆண்டுகளுக்கு முன் ‘மக்கள் உரிமை’ இதழில் நான்கு வாரங்கள் தொடராக எழுதியுள்ளேன்.
இப்போதைய பாஜக அரசும். HRD அமைச்சர் ஸ்மிருதி இரானியும் மீண்டும் அந்தப் பிரச்சினையை எழுப்பியுள்ள சூழலில் ஒரு முன்னாள் மாணவன் மற்றும் ஆசிரியனமென்கிற வகையில் அலிகர் முஸ்லிம் பல்களைக் கழகத்தின் முக்கியத்துவம், சாதி, மத வேறுபாடுகளின்றி அது ஆற்றி வரும் சேவை, எல்லாவற்றிற்கும் மேலாக அதன் முஸ்லிம் அடையாளம் காக்கப்பட வேண்டிய அவசியம் ஆகியவற்றை வற்புறுத்தி எழுதப்பட்ட இக்கட்டுரையை அவசியம் வாசியுகள்.
ஆளும் அரசின் இந்தக் குறுகிய நோக்கிலான நடவடிக்கையை, எந்தப் பலனையும், பதவி சுகங்களையும் கருதாமல் விமர்சித்டுள்ள பேரா. மாதவ மேனனுக்கு நம் நன்றிகள் உரித்தாகட்டும்.
http://www.thehindu.com/opinion/op-ed/why-amu-should-be-an-exception/article8381773.ece
கருத்துகள் இல்லை:
கருத்துரையிடுக