ம.தி.மு.க., இரு கம்யூனிஸ்டு கட்சிகள், விடுதலை சிறுத்தைகள், மனிதநேய மக்கள் கட்சி ஆகிய 5 கட்சிகள் இணைந்து ஒரு கூட்டணியை உருவாக்கி
உள்ளன.இந்த கூட்டணியில் வைகோ எடுத்த சில முடிவுகள் அவருக்கு எதிராக திரும்பி உள்ளன.இதனால் 5 கட்சி கூட்டணியிலும் பிளவு ஏற்படும் சூழ்நிலை ஏற்பட்டுள்ளது. கூட்டணியில் வைகோ தன்னிச்சையாக முடிவு எடுத்து விட்டதாக மனித நேய மக்கள் கட்சி குற்றம் சாட்டி உள்ளது. இதுபற்றி அந்த கட்சியின் தலைவர் ஜவாஹிருல்லா எம்.எல்.ஏ. கூறியதாவது”மக்கள் நல கூட்டமைப்பு என்பது மக்கள் பிரச்சினைக்காக போராடவும், நியாயம் கேட்கவும் உருவாக்கப்பட்டது”. இந்த கூட்டணி அரசியல் கூட்டணியாக மாறுவது பற்றி எந்த முடிவும் எடுக்கவில்லை.இந்த நிலையில் கடந்த ஆகஸ்டு 13–ந்தேதி வள்ளுவர் கோட்டத்தில் நடந்த போராட்டத்தில் கம்யூனிஸ்டு செயலாளர் முத்தரசன் இது அரசியல் கூட்டணி என்று அறிவித்தார்.கோவில்பட்டியில் நடைபெற்ற பந்த் ஆதரவு பொதுக்கூட்டத்தில் பேசிய வைகோ செப்டம்பர் 15 வரை காத்திருக்க வேண்டியதில்லை. 5 கட்சி கூட்டணி என்பது அரசியல் கூட்டணி. அ.தி.மு.க., தி.மு.க.வுடன் சேரப்போவதில்லை என்றார்.இதில் எங்கள் கட்சிக்கு உடன்பாடு இல்லை. எங்களுக்கு சில கொள்கைகள் உள்ளன. நாம் பேசி முடிவு செய்யாமல் அரசியல் கூட்டணி என்று எப்படி அறிவிக்கலாம் என்று கடந்த 7–ந்தேதி வைகோவிடம் கேட்டேன். அவரும் தவறுதான் என்று ஒத்துக் கொண்டார்.அப்போது திருவாரூரில் அடுத்த மாதம் 5–ந்தேதி நடக்கும் கூட்டத்தில் முடிவு செய்யலாம் என்று முடிவு செய்யப்பட்டது.நாங்கள் 5 கட்சி கூட்டணியை அரசியல் கூட்டணியாக பார்க்க வில்லை. யாருடன் கூட்டணி என்பது தேர்தல் நெருங்கும் போதுதான் முடிவு செய்யப்படும்.பாரதீய ஜனதாவை தவிர வேறு எந்த கட்சிகளுடனும் கூட்டணி சேருவதில் எங்களுக்கு தயக்கம் இல்லை இவ்வாறு அவர் கூறினார். 
கருத்துகள் இல்லை:
கருத்துரையிடுக