இந்தியாவிற்குள் தீவிரவாதம் உருவாவதையும், உலக அளவில் IS தீவிரவாதம் பரவுவதையும் தடுப்பது என்கிற பெயரில் மகராஷ்டிர சங்கப் பரிவார அரசு சில திட்டங்களை அறிவித்துள்ளது.
சிறுபான்மையினர் நடத்தும் கல்விக் கூடங்களில் “வ்யாயம் ஷாலா”க்களைத் திறப்பது, எல்லா மதப் பாடங்களையும் சிறுபான்மையோர் கல்வி நிலையங்களில் கட்டாயமாக்குவது,
ஜநநாயகத்தின் சிறப்பையும் சர்வாதிகாரத்தின் குறைபாடுகளையும் உருதுப் பள்ளிகளில் பாடமாக்குவது, NCC, பாரத் வழிகாட்டி முதலியவற்றை உருதுப் பள்ளிகளில் கட்டாயமாக்குவது முதலியன இந்தத்திட்டங்களில் சில.
சிறுபான்மையர் பள்ளிகள் குறிப்பாக உருதுப் பள்ளிகளை அடையாளப்படுத்தி இவ்வாறு அறிவித்துள்ளது வன்மையாகக் கண்டிக்கத்தக்கது. ஒருவேளை அனைத்துப் பள்ளிகளிலும் இதை எல்லாம் கட்டாயமாக்குகிறார்கள் என்றால் கூட சரி ஏதோ பொதுவாகச் செய்கின்றனர் எனச் சொல்லலாம் (அப்போது கூட இதை எல்லாம் கட்டாயமாக்குவது என்பது விவாதத்துக்குரியது என்பது வேறு விஷயம்).
இப்படிச் சிறுபான்மையர் பள்ளிகளையும் உருதுப் பள்ளிகளையும் இப்படித் தனிமைப் படுத்திச் செய்வதென்றால் அவை தீவிரவாதிகள் உருவாகும் களமாகவும் மதச் சர்வாதிகாரத்தை உயர் மதிப்பீடாக உருவாக்கும் இடமாகவும், ஜனந்நாயக எதிர்ப்புணர்வைப் போதிப்பதாகவும் உள்ளதாக ஒரு செய்தியை மக்கள் மத்தியில் பரப்பும் முயற்சிதான் இது. ஏதோ ஆயிரக் கண்க்கில் IS தீவிரவாதிகள் சிறுபான்மையர் பள்ளிகளிலிருந்து உருவாகிறார்கள் என்கிற எண்ணத்தை ஏற்படுத்தும் முயற்சியும் கூட இது.
மிகப் பெரிய அளவில் இந்தியா முழுவதும் ஆர்.எஸ்.எஸ் இயக்கம் பள்ளிகளையும் நடத்துகிறது. அங்கு முழுக்க முழுக்க க்சிருபான்மை மக்கள் மீது வெறுப்பு போதிக்கப்படுகிறது. கம்பு கத்திவைத்துக் கொண்டு ஆங்காங்கு இராணுவப் பயிற்சிகள் நடக்கின்றான. இராணுவப் பள்ளி என்கிற பெயரில் வெடி மருந்துத் தொழிற்சாலைகள் நடக்கின்றன. இங்கெல்லாம் எந்த நடவடிக்கையையும் எடுக்காத பரிவார அரசுகள் இன்று இப்படி ஒரு செயல்பாட்டில் இறங்கி உள்ளதை மதச்சார்பில் அக்கறை உள்ள அனைவரும் கண்டிக்க வேண்டும்.
பன்னாட்டு பயங்கரவாத அமைப்புகள் ஜிஹாதிக் கருத்துக்களைப்பரப்புவதற்கு எதிராக மாநிலங்கள் நடவடிக்கை எடுக்க வேண்டும் என்கிற மத்திய அரசு வழிகாட்டலில் இது மேற்கொள்ளப்படுவதாக அறிவிக்கப்பட்டுள்ளது.
கருத்துகள் இல்லை:
கருத்துரையிடுக