இன்று ஒரு காக்கா பார்த்தேன்
அதன் நிறம் கருப்பு'
- இப்படி ஒரு ஸ்டேடஸ். அதற்கு 1000+ லைக்குகள் 250+ ஷேர்கள். காரணம், அந்த ஸ்டேடஸ் போட்டது ஒரு பெண்.
அதேப்போன்று தான் நம்ம ஆட்களும் கொஞ்ச பேரு பொம்பளப் புள்ளைங்க பேருல என்ன வந்தாலும் அதை லைக்கோ லைக்கு என லைக்குவதும், ஷேரோ ஷேர் என ஷேருவதும். ஒரு பொண்ணு கீழே உள்ள படத்தில் இருப்பதை போட்டதும் 500+ லைக்குகள் 300+ ஷேர்கள். யார் என்பது ஓரளவிற்கு அனைவரும் ஊகிக்கக்கூடியதே.
என்ன எழுதியிருக்கிறது? அதன் கருத்து என்ன என்பதெல்லாம் இரண்டாம் பட்சம் தான். முஸ்லிம் இயக்கங்களுக்கு, கட்சிகளுக்கு ஓட்டு போட்டு விடாதீர்கள் என்ற கோரிக்கை தான் அவர்களுக்கு முக்கியம்.
'முஸ்லிம்களுக்கு தலைவர் முஹம்மது நபி(ஸல்) மட்டுமே. எனவே நீங்கள் முஸ்லிம்களுக்கு நீங்கள் ஓட்டுப் போடாதீர்கள்.'
திரும்பவும் படியுங்கள்.. திரும்பவும் படியுங்கள்... ஒண்ணுமே புரியலையா... கண்ண கட்டுதா... ரைட்டு... அதே தான்...
நான் தேர்தல்களில் வாக்களித்திருக்கிறேன். கருணாநிதியையோ அல்லது வேறுயாரையுமே நபி(ஸல்) போன்ற தலைவர் என்று நினைத்து வாக்களித்ததில்லை. எண்ணியதுமில்லை. ஆனால், இதை ஷேர் பண்ணியிருப்பவர்கள் தேர்தல்களில் வாக்களித்திருந்தால் இப்படி எண்ணியிருந்திருப்பார்களோ???
சகாயம் ஐபிஎஸ், நேர்மையான அதிகாரி. அவரின் நேர்மையை சிலாகித்து இதுபோன்றவர்கள் தான் நாட்டை ஆளவேண்டும் என ஒரு கூட்டம் மக்கள் பிரசிங்கித்து வருவதை காண்கிறோம். அதற்கு பின்னால் உள்ள அரசியல் வேறு. நமக்கு தேவையற்றது.
ஆனால், ஒரு ஆட்சியாளன் அல்லது மக்களின் பிரதிநிதி எவ்வாறு இருக்க வேண்டும் என்பதற்கு ஜாதி, மத, இன பேதமின்றி தன் உயிரையும் பணயம் வைத்து கழுத்தளவு நீரில் சென்று உதவியவர்களைத் தவிர வேறு யார் பொருத்தமானவர்களாக இருப்பார்கள். உதவியது பலனை எதிர்பார்த்து அல்ல. ஆனால், தேர்ந்தெடுக்கப்பட்ட மக்கள் பிரதிநிதிகள் சும்மா இருந்த நேரத்தில் களத்தில் இறங்கிய மக்கள், நாளை மக்கள் பிரதிநிதிகளாக இருப்பார்களேயானால் அவர்களே சரியான நேரத்தில் உதவக்கூடியவர்களாக இருப்பார்கள். இப்படிப்பட்ட ஒரு அடிப்படை அறிவு அற்றவர்களா இதுபோன்றவற்றை பகிரக்கூடியவர்கள்?
தகுதியற்றவர்கள் என அரசியல்வாதிகளை நாம் சுட்டிக்காட்டுகிறோம். ஆனால், தகுதியானவர்கள் வந்துவிடக்கூடாது என்பதில் கண்ணும் கருத்துமாக இருக்கிறோம். இதற்குப் பெயர் என்ன?
இன்னொன்றையும் சொல்ல விரும்புகிறேன். இந்த பெண்ணின் கணவர்தான் பெண்கள் பெயரில் இருக்கும் ஐடிகளில் 'நல்ல' ஆண்கள் பலர் இன்பாக்ஸில் வந்து தொந்தரவு கொடுக்கின்றனர் என கொஞ்ச நாள் முன்பு இங்கே வந்து பலமுறை கூறியவர். இதை லைக் மற்றும் ஷேர் செய்தது கூட 99 சதவீதம் பேர் ஆண்களே. அதில் அவர் கணவர் லைக்கவும் இல்லை. ஷேரவும் இல்லை. (???)
அதில் ஒருவர் கேட்கிறார், 'வாக்களிப்பதற்கும், நபி(ஸல்) தான் தலைவர் என கூறுவதற்கும் என்ன சம்பந்தம் என்று?' உடனே, இன்னொருவர் கூறுகிறார் 'சகோதரியை பாராட்டாவிட்டாலும் பரவாயில்லை.. இதுபோல விமர்சிக்காதீர்கள்' என்று. உடவே அவர் 'தெரியாமல் சொல்லிவிட்டேன்' எனச் சொல்ல... இவர் 'அப்படியானால் என்னை மன்னிவிடுங்கள்' எனச் சொல்ல... ஐயோ... கொடுமையே!!!
வெள்ள நிவாரணப் பணிகளில் முஸ்லிம்களின் பங்களிப்பை இருட்டடிப்பு செய்ததில் மிகப்பெரிய அரசியல் இருக்கிறதை அனைவரும் அறிவோம். அதேப் போல வெளிவந்த பங்களிப்புகளிலும் நுண்ணரசியல் இருக்கிறது என்பதையும் நாம் அறிந்து கொள்ள வேண்டும்.
உளவுத்துறையின் கைப்பாவையாக இயங்கும் சிலர் இது போன்று இனியும் உளறலாம்... அதற்கு என்ன பெயர்களில் வேண்டுமானாலும் அவர்கள் வரலாம்..
என்னைப் பொறுத்தவரை 'காக்கா கறுப்பு' என்பதை லைக், ஷேர் செய்தவர்களுக்கும், இதை லைக் ஷேர் செய்தவர்களுக்கும் எந்த வேறுபாட்டையும் காணமுடியவில்லை!!
கருத்துகள் இல்லை:
கருத்துரையிடுக