முஸ்லிம் மக்கள்தொகைப் பெருக்கம் அதிகரித்திருப்பதாகக் காலையில் பத்திரிகைகளில் செய்தி வந்தது .சில மணி நேரங்களுக்கு முன் 'தி ஹிந்து' ஆங்கில நாளிதழ் வெளியிட்டுள்ள இந்த விரிவான ஆய்வு உண்மை நிலையை விளக்குகிறது. காலைப் பத்திரிகைச் செய்திகள் எப்படித் திரிக்கப்பட்டவை என்பதை விரிவான படங்களுடன் இது விளக்குகிறது.
உண்மை நிலை இதுதான்:
1. முஸ்லிம் மக்கள் தொகை அதிகரிப்பு வீதம் குறைந்து கொண்டே வருகிறது.
3..இன்னும் கூட முஸ்லிம் மக்கள் தொகை அதிகரிப்பு வீதம்தான் இந்து மக்கள் தொகை அதிகரிப்பு வீதத்தைக் காட்டிலும் அதிகம் என்றாலும் அந்த இடைவெளி படிப்படியாகக் குறைந்து கொண்டே போவதுதான் உண்மை. முஸ்லி்ம் மக்கள் தொகை அதிகரிப்பு வீதம் இந்து மக்கள் தொகை அதிகரிப்பு வீதத்தைக் காட்டிலும் சற்று அதிகமாக இருப்பதற்குக் காரணம் முஸ்லிம்கள் மத்தியில் படித்தவர்களின் எண்ணிக்கையும், வசதி மிக்கவர்களின் எண்ணிக்கையும் குறைவு என்பதுதான். இந்தியாவில் தலித்களைக் காட்டிலும் முஸ்லிம்கள் கல்வி, வேலை வாய்ப்பு மற்றும் பொருளாதார அடிப்படைகளில் பின் தங்கியுள்ளதைச் சச்சார் அறிக்கை நிறுவியுள்ளது.
4. இன்று முஸ்லிம்களின் மத்தியிலும் மக்கள் தொகை அதிகரிப்பு வீதம் குறைந்து வருவதற்கான காரணம் அவர்கள் மத்தியில் 90களுக்குப் பின் கல்வியில் ஆர்வம் மிகுந்துள்ளதே.
4. இரண்டு மதங்களை ஒப்பிடுவதற்குப் பதிலாக ஒரே மதத்தில் உள்ள மேல் மற்றும் கீழ்த் தட்டில் உள்ள சாதிகளை ஒப்பிட்டாலும் இப்படித்தான் உள்ளது என்பதையும் கவனத்தில் கொள்ள வேண்டும். படிப்பாலும் செல்வத்தாலும் உயர்ந்த உயர் சாதியினர் மத்தியில் மக்கள் தொகை அதிகரிப்பு வீதம் குறைவாக உள்ளதையும், அடித்தள மக்கள் மத்தியில் இது அதிகமாக உள்ளதையும் காணலாம்.
5.மதமாற்றத்தால் முஸ்லிம்கள் மத்தியில் மக்கள் தொகைப் பெருக்கம் நிகழ்கிறது எனச் சொல்வது அபத்தம். இன்று சுமார் 10 மாநிலங்களில் மதமாற்றத் தடைச் சட்டம் அமுலில் உள்ளது. எங்காவது இப்படி மத மாற்றம் நடந்தால் அது கடும் பிரச்சினையாக்கப் படுகிறது.
7. அப்படியே மத மாற்றம் நடக்கிறது என இந்துத்துவ சக்திகள் சொல்வார்களேயானால் ஏன் அப்படி நடக்கிறது, ஏன் இந்து மதத்தை விட்டு மக்கள் வெளியேறுகின்றனர் என்பதைச் சொல்பவர்கள் சிந்திக்க வேண்டும்.
8. வங்க தேசம் முதலானவற்றிலிருந்து முஸ்லிம்கள் ஊடுருவுகின்றனர் என பா.ஜ.க, ஆர்.எஸ்.எஸ்சினர் சொல்வதும் அப்பட்டமான பொய். எல்லைகளில் கடும் பாதுகாப்பும், இரட்டை முள் வேலிகளும், ஒளி பாய்ச்சும் வீளக்குகளும் இன்று பொருத்தப்பட்டுள்ளன.
9. முஸ்லிம் மக்கள்தொகைப் பெருக்க வீதம் இந்துக்களைக்காட்டிலும் அதிகம் எனச் சொல்வது அப்பட்டமான பொய். இத்தகைய பிரச்சாரம் விஷமத் தனமானது மட்டுமல்ல அயோக்கியத் தனமானதும் கூட
http://www.thehindu.com/…/census-2011-da…/article7579161.ece
MUSLIM POPULATION GROWTH SLOWS
Rukmani S V Singh
கருத்துகள் இல்லை:
கருத்துரையிடுக