பெரம்பலூர்,: டெங்கு குறித்து சந்தேகமிருந்தால் சிறப்பு பரிசோதனை, தீவிர கண்காணிப்பில் இருக்க வேண்டுமென பொதுமக்களுக்கு திருச்சி மருத்துவ நிபுணர் அறிவுரை வழங்கினார்.
திருச்சி காவேரி மருத்துவமனை சார்பில் பெரம்பலூரில் டெங்குநோய் விழிப்புணர்வு குறித்து இந்திய மருத்துவ கழக ஆலோசனை கூட்டம் துறைமங்கலத்தில் நேற்று நடந்தது.
காவேரி மருத்துவமனை மருத்துவர் சுரேஷ் செல்லையா வரவேற்றார். இந்திய
காவேரி மருத்துவமனை மருத்துவர் சுரேஷ் செல்லையா வரவேற்றார். இந்திய
டெங்கு காய்ச்சல், வைரஸ் எனப்படும் நுண்ணுயிரிகளால் ஏற்படும் நோய் தொற்றாகும். இந்நோய் தொற்று சில சமயம் வீரியம் குறைந்து சாதாரண காய்ச்சல் போல 3 அல்லது 5 நாட்களில் குணமடைய வாய்ப்பு அதிகம். ஆனால் சில பெரியவர்களுக்கும், குழந்தைகளுக்கும் தீவிர நோய் தொற்று ஏற்பட வாய்ப்புள்ளது. அத்தகைய நோய்களுக்கு அதிகப்படியான தலை மற்றும் வயிற்றுவலி, களைப்பு, எளிதில் எரிச்சல் அடைதல், ஈறுகளில் ரத்தக்கசிவு, உடலில் சிவப்பு படலங்கள் போன்ற அறி
குறிகள் காணப்படும். இது மேலும் தீவிரமடையும்போது வெளியேறும் சிறுநீரின் அளவு குறைந்து உடல் வீங்கி சுவாச கடினம் ஏற்படும். இந்நிலையில் தீவிர சிகிச்சை அளிக்காவிட்டால் பாதிக்கப்பட்டவர் இறக்க நேரிடும்.
ஆரம்ப நிலையில் அளிக்கப்படும் சிகிச்சை நோயிலிருந்து விடுபட உதவும். இந்த நோய்தொற்று குறித்து சந்தேகமிருந்தால் சில சிறப்பு பரிசோதனை, தீவிர கண்காணிப்பு அவசியம். டெங்கு காய்ச்சலை தடுக்க ஊசிகளும், குணப்படுத்த மருந்துகளும் நடைமுறையில் கண்டுபிடிக்கப்படவில்லை. நோயின் வீரியத்தை குறைத்து உடலில் இழந்த நீர்ச்சத்தை ஈடுசெய்து தேவை ஏற்பட்டால் ரத்தம் அல்லது ரத்த அணுக்களை ஈடுசெய்வது அவசியமாகும். வீட்டிலும் வெளியிலும் தூங்கும்போது கொசுவலைகளை பயன்படுத்த வேண்டும். கொசுக்கள் இனப்பெருக்கம் செய்யும் நீர்நிலைகளை அப்புறப்படுத்த வேண்டும். நோய் உண்டாக்கும் நுண்ணுயிரி நான்கு வகையான வைரஸ் என்பதால் இவை மறுதாக்குதல் நடத்த வாய்ப்புகள் அதிகமுள்ளது. இதில் உயிரிழப்பு குறைவென்றாலும் நோயின் தாக்கம் அதிகம் என்றார்.
டாக்டர்கள் பால்ராஜ், சிவக்குமார், அறிவழகன், சுமதி செங்குட்டுவன், நளினிதேவி, ஆனந்தமூர்த்தி, வல்லபன், செந்தில்குமார், தங்கராஜ் உள்ளிட்ட பலர் கலந்து கொண்டனர்.
கருத்துகள் இல்லை:
கருத்துரையிடுக