அமெரிக்காவிலுள்ள ப்யூ ஆய்வு மையம் வெளியிட்டிருக்கும் உலக மதங்களின் எதிர்காலம் என்ற விரிவான ஆய்வறிக்கையில் இந்த தகவல்கள் வெளியிடப்பட்டுள்ளன.
உலக அளவில் முஸ்லிம்களின் எண்ணிக்கை வெகுவாக அதிகரிக்கும் என இந்த ஆய்வில் கூறப்பட்டுள்ளது. முஸ்லிம்களில் மக்கள் தொகைப் பெருக்க விகிதம் அதிகமாக இருப்பதும் முஸ்லிம்களில் 34 சதவீதம் பேர் 15 வயதுக்குட்பட்டவர்களாக இருப்பதுமே இதற்குக் காரணம் என இந்த ஆய்வு தெரிவிக்கிறது.
எதிர்காலத்தில் இந்தியாவில் இந்துக்கள்தான் பெரும்பான்மையினராக இருப்பார்கள் என்றாலும், உலகிலேயே அதிக எண்ணிக்கையிலான முஸ்லிம்களும் இந்தியாவில்தான் வசிப்பார்கள் என கூறப்பட்டுள்ளது. தற்போது இந்தோனேஷியாவில்தான் அதிக எண்ணிக்கையிலான முஸ்லிம்கள் வசிக்கின்றனர். இந்த காலகட்டத்தில் உலக அளவில் இந்துக்களின் மக்கள் தொகை 34 சதவீதம் அளவுக்கு அதிகரிக்கும் என கூறப்பட்டுள்ளது. 100 கோடிக்கும் சற்று அதிகமான இந்து மக்கள் தொகை, 140 கோடியா அதிகரிக்கும் எனக் கூறப்பட்டுள்ளது.
இந்துக்களைப் பொறுத்தவரை, ஒரு பெண் 2.4 குழந்தைகளைப் பெற்றுக்கொள்கிறார். மேலும், 30 சதவீத இந்துக்கள் 15 வயதுக்குக் கீழ் உள்ளனர். ஆனால், 15 வயதுக்குக் கீழ் இருக்கும் முஸ்லிம்களின் எண்ணிக்கை இதைவிட அதிகம்.
2050 வாக்கில் ஐரோப்பாவில் இருக்கும் முஸ்லிம்களின் எண்ணிக்கை இருமடங்காகியிருக்கும் என்றும், 2070ல் உலக அளவில் அவர்கள் கிறிஸ்தவர்களைவிட அதிகமாக இருப்பார்கள் என்றும் இந்த ஆய்வில் கூறப்பட்டுள்ளது.
புத்த மதத்தைப் பொறுத்தவரை, 2010ல் எந்த எண்ணிக்கையில் இருந்ததோ, அதே எண்ணிக்கை நீடிக்கும். உலகில், ஒவ்வொரு மதத்திலும் தற்போது இருப்பவர்களின் எண்ணிக்கை, எந்தெந்தப் பகுதிகளில் வசிக்கிறார்கள், அவர்களுடைய வயது, பிறப்பு விகிதம், இறப்பு விகிதம், சர்வதேச அளவில் இடம்பெயர்தல், மதமாற்றம் ஆகியவற்றை கணக்கில் கொண்டு இந்த ஆய்வு செய்யப்பட்டிருப்பதாக ப்யூ ஆய்வு மையம் தெரிவித்துள்ளது.
நன்றி புதிய விடியல்
கருத்துகள் இல்லை:
கருத்துரையிடுக