அஜ்மான்: கடந்த 10.04.2015 அன்று Emirates India Fraternity Forum (EIFF) நடத்திய நலமான குடும்பம் வளமான எதிர்காலம்” (Healthy Family Wealthy Future) குடும்ப சங்கம நிகழ்ச்சி அமீரகத்தில் உள்ள அஜ்மான் ஹபீதத் ஸ்கூலில் இனிதே நடைபெற்றது.
மாலை 3 மணியளவில் குழந்தைகளுக்கான போட்டியுடன் சிறப்பாக துவங்கியது.
விளையாட்டுப் போட்டிகள் ,கிராஅத் ஓதும் போட்டிகள் ,வினாடி வினா போட்டிகள் ஆகியவை மதியம் 3 முதல் 5 மணி வரை சிறப்பாக நடந்தன.
இதனையடுத்து நல்லதொரு குடும்பம்! பல்கலைக்கழகம் என்ற சொல்லிற்கேற்ப பெற்றோர்களுக்கான கீழ்கண்ட தலைப்புகளின் கீழ் நிகழ்ச்சிகள் நடைபெற்றன:-
1) உங்கள் குடும்பத்தாரின் உடல் நலம் உங்கள் கையிலா? மருத்துவரின் கையிலா?
2) ஆரோக்கியமான அழகிய குடும்பம் அமைந்திட நாம் செய்ய வேண்டியது என்ன.?
3)இன்பமயமான குடும்பம் என்ற இனிய கனவு நனவாகிட தேவையானவை என்ன.?. போன்ற அனைத்திற்கும் தீர்வு கிடைக்க இந்நிகழ்ச்சி அமீரக வாழ் தமிழ் முஸ்லிம்களுக்கு நல்ல வாய்ப்பாக அமைந்தது
“குடும்பப் பிணைப்பு” என்ற தலைப்பில் சகோதரர். பொறியாளர் தமீம் மன்சூர் B.E., MBA அவர்கள் சிறப்பாக உரையாற்றினார்கள்.
“குடும்பத்தை ஆரோக்கியமாக மாற்றுவது எப்படி?” என்ற தலைப்பில் சகோதரர். டாக்டர் முஹம்மத் இஸ்மாயீல் B.P.T., M.Sc. (Senior Specialist Therapist, Rashid Hospital, Dubai) அவர்கள் சிறப்பாக பவர்பாய்ண்ட் காட்சி மூலம் விவரமாக எடுத்துரைத்தார்கள்.
“நலமான குடும்பம் வளமான எதிர்காலம்” என்ற தலைப்பில் சகோதரர் முஹம்மத் ஸாதிக் B.E., PMP, CIMA (London) (Project Manager, GTFS, Dubai) அவர்களின் சுவாரஸ்யமான வகுப்பு நடத்தப்பட்டது.
ஆரோக்கியமான வாழ்வு குறித்த விழிப்புணர்வைப் பெறுவதற்காக அமீரகத்தில் நல்ல பல சமூகப் பணிகளைச் செய்து வரும் Emirates India Fraternity Forum (EIFF) வெகு சிறப்பாக இந்நிகழ்ச்சிக்கு ஏற்பாடு செய்து இருந்தது.
இந்த இனிய மாலை நிகழ்ச்சியில் அமீரகவாழ் தமிழ் முஸ்லிம் குடும்பங்கள் திரளாகப் பங்கேற்று நிகழ்ச்சியை சிறப்பித்துத் தந்தனர். நிகழ்ச்சியின் முடிவில் வெற்றிபெற்ற குழந்தைகளுக்கு பயனுள்ள பரிசுகள் வழங்கப்பட்டன. இறைவனின் உதவியால் இந்நிகழ்சி சீறும் சிறப்புமாக நடந்து நடைபெற்றது .
மின்னஞ்சல் மூலமாக
பாப்புலர் ஃப்ரண்ட் LBK
கருத்துகள் இல்லை:
கருத்துரையிடுக