புதுடெல்லி: உத்தர பிரதேச மாநிலம் கோரக்பூரைச் சேர்ந்த பாஜக எம்.பி. யோகி ஆதித்யநாத் வாரணாசியில் உள்ள கோவில் விழா ஒன்றில் கலந்து
கொண்டார். அந்த நிகழ்ச்சியில் அவர் யோகா மற்றும் சூரிய நமஸ்காரத்தின் முக்கியத்துவம் பற்றி பேசினார்.
யோகா மற்றும் சூரிய நமஸ்காரத்தை எதிர்ப்பவர்கள் இந்தியாவை விட்டு வெளியேற வேண்டும் அல்லது கடலில் மூழ்கி சாக வேண்டும் என்று பாஜக எம்.பி. யோகி ஆதித்யநாத் தெரிவித்துள்ளார்.
“யோகா மற்றும் சூரிய நமஸ்காரத்தை எதிர்ப்பவர்கள் இந்தியாவை விட்டு வெளியேற வேண்டும். சூரிய கடவுளுக்கு நமஸ்காரம் செய்ய மறுப்பவர்கள் கடலில் மூழ்க வேண்டும். அல்லது தங்கள் வாழ்க்கையை இருட்டு அறையில் வாழ வேண்டும். சர்வதேச யோகா தினம் கொண்டாடப்படுவதில் பிரச்னை இல்லை என்றால் முஸ்லிம்கள் ஏன் சூரிய நமஸ்காரத்திற்கு மட்டும் எதிர்ப்பு தெரிவிக்க வேண்டும்? சூரியனை ஒரு சமூக பிரச்னையாக ஆக்க முயற்சி செய்பவர்கள் தங்கள் வாழ்க்கையை இருட்டு அறையில் கழிக்க வேண்டும்” என்றார் யோகி ஆதித்யநாத்.
கருத்துகள் இல்லை:
கருத்துரையிடுக