Flash Return

அஸ்ஸலாமு அலைக்கும் (வரஹ்) ...

Green Flash

அல்லாஹ் கூறுகின்றான் “ முஃமின்களே! நியாயத்தை நிலை நாட்டுவதற்காக அல்லாஹ்வுக்கு நீங்கள் உறுதியான சாட்சியாக இருங்கள். எந்த ஒரு கூட்டத்தார் மீதும் நீங்கள் கொண்டுள்ள வெறுப்பு நீதி செய்யாமலிருக்க உங்களைத் தூண்ட வேண்டாம். நீதி செய்யுங்கள். இதுவே (தக்வாவுக்கு) பயபக்திக்கு மிக நெருக்கமாகும். அல்லாஹ்வுக்கு அஞ்சுங்கள். நிச்சயமாக அல்லாஹ் நீங்கள் செய்பவற்றையெல்லாம் நன்கு அறிந்தவனாக இருக்கின்றான்.”(அல்குர்ஆன் 5:8)*******

Red Flash

“நீங்கள் தும்மினால், ‘அல்ஹம்துலில்லாஹ்’ (எல்லாப் புகழும் அல்லாஹ்வுக்கே) என்று சொல்லுங்கள். (நீங்கள் இவ்வாறு கூறியதைக் கேட்கும்) ‘உங்கள் சகோதரர்’ அல்லது ‘நண்பர்’ யர்ஹமுக்கல்லாஹ் (அல்லாஹ் உங்களுக்குக் கருணை புரியட்டும்) என்று சொல்லட்டும். அவர் உங்களுக்காக ‘யர்ஹமுக்கல்லாஹ்’ என்ற சொன்னால், நீங்கள் (அவருக்காக) ‘யஹ்தீக்குமுல்லாஹ் வ யுஸ்லிஹ் பாலக்கும்’ (அல்லாஹ் உங்களுக்கு நல்வழி காட்டட்டும்! உங்கள் நிலையைச் சீராக்கட்டும்) என்று சொல்லுங்கள் என நபி (ஸல்) அவர்கள் கூறினார்கள். அறிவிப்பவர்: அபூ ஹுரைரா (ரலி) நூல்: புகாரி 6224..!....

திங்கள், 1 ஜூன், 2015

நரேந்திர மோடியின் பேச்சுக்கள் டன் கணக்கிலும், செயல்பாடுகள் அவுன்ஸ் கணக்கிலும் உள்ளன:காதர்மொய்தீன் !

சென்னை: ஆர்.கே.நகர் சட்டசபை தொகுதி இடைத்தேர்தலில், எதிர்கட்சிகள் ஓரணியில் திரண்டால் அதிமுகவை வீழ்த்திவிடலாம் என இந்திய யூனியன் முஸ்லிம் லீக் கட்சியின் தமிழ்மாநில தலைவர் காதர்மொய்தீன் கருத்து தெரிவித்துள்ளார்.
இது குறித்து, ராமநாதபுரத்தில், இந்திய யூனியன் முஸ்லிம் லீக் கட்சியின் தமிழக தலைவர் காதர்மொய்தீன் செய்தியாளர்களிடம் கூறியதாவது:–
ஜூன் 27 ஆம் தேதி நடைபெறவுள்ள ஆர்.கே.நகர் சட்டசபை தொகுதி இடைத்தேர்தலில் இந்திய யூனியன் முஸ்லிம் லீக் போட்டியிடவில்லை. தேர்தலில் யாருக்கு ஆதரவு அளிப்பது என்பது குறித்து 5 ஆம் தேதி சென்னையில் நடைபெற உள்ள மாநில நிர்வாகக்குழு கூட்டத்தில் முடிவு செய்வேம்.
32 சதவீத வாக்குகளை பெற்று பாஜக மத்தியில் ஆளுங்கட்சியாக உள்ளது. 68 சதவீத வாக்குகளை பெற்ற கட்சிகள் தடம் தெரியாமல் உள்ளன. பிரதமர் நரேந்திர மோடியின் பேச்சுக்கள் டன் கணக்கிலும், செயல்பாடுகள் அவுன்ஸ் கணக்கிலும் உள்ளன.
இந்தியாவில் வளர்ச்சி வார்த்தையாக மட்டுமே உள்ளது. ஆக்கபூர்வமான திட்டங்கள் இல்லை. சிறுபான்மை இன மக்களை புறக்கணித்து விட்டு இந்தியா முன்னேற முடியாது.
ஆர்.கே. நகர் தொகுதியைப் பொறுத்தவை அ.திமுகவை தனியாக எதிர்ப்பதைவிட எதிர்கட்சிகள் ஓரணியில் திரண்டால் அவர்களை வீழ்த்திவிடலாம் என்றார்.

கருத்துகள் இல்லை:

கருத்துரையிடுக