Flash Return

அஸ்ஸலாமு அலைக்கும் (வரஹ்) ...

Green Flash

அல்லாஹ் கூறுகின்றான் “ முஃமின்களே! நியாயத்தை நிலை நாட்டுவதற்காக அல்லாஹ்வுக்கு நீங்கள் உறுதியான சாட்சியாக இருங்கள். எந்த ஒரு கூட்டத்தார் மீதும் நீங்கள் கொண்டுள்ள வெறுப்பு நீதி செய்யாமலிருக்க உங்களைத் தூண்ட வேண்டாம். நீதி செய்யுங்கள். இதுவே (தக்வாவுக்கு) பயபக்திக்கு மிக நெருக்கமாகும். அல்லாஹ்வுக்கு அஞ்சுங்கள். நிச்சயமாக அல்லாஹ் நீங்கள் செய்பவற்றையெல்லாம் நன்கு அறிந்தவனாக இருக்கின்றான்.”(அல்குர்ஆன் 5:8)*******

Red Flash

“நீங்கள் தும்மினால், ‘அல்ஹம்துலில்லாஹ்’ (எல்லாப் புகழும் அல்லாஹ்வுக்கே) என்று சொல்லுங்கள். (நீங்கள் இவ்வாறு கூறியதைக் கேட்கும்) ‘உங்கள் சகோதரர்’ அல்லது ‘நண்பர்’ யர்ஹமுக்கல்லாஹ் (அல்லாஹ் உங்களுக்குக் கருணை புரியட்டும்) என்று சொல்லட்டும். அவர் உங்களுக்காக ‘யர்ஹமுக்கல்லாஹ்’ என்ற சொன்னால், நீங்கள் (அவருக்காக) ‘யஹ்தீக்குமுல்லாஹ் வ யுஸ்லிஹ் பாலக்கும்’ (அல்லாஹ் உங்களுக்கு நல்வழி காட்டட்டும்! உங்கள் நிலையைச் சீராக்கட்டும்) என்று சொல்லுங்கள் என நபி (ஸல்) அவர்கள் கூறினார்கள். அறிவிப்பவர்: அபூ ஹுரைரா (ரலி) நூல்: புகாரி 6224..!....

ஞாயிறு, 25 அக்டோபர், 2015

மறைந்த இந்திய ஹஜ் தன்னார்வலர் பெயரில் விருது - சவூதி இந்திய தூதரகம் அறிவிப்பு!

ஹஜ்ஜின்போது உயிரிழந்த ஹஜ் தன்னார்வலர் பெயரில் வரும் ஆண்டுகளில் விருதுகள் வழங்கப்படும் என்று சவூதி இந்திய தூதரக துணைத் தூதுவர் அறிவித்துள்ளார்.
நடந்து முடிந்த ஹஜ்ஜின் போது கூட்ட நெரிசலில் சிக்கி ஏராளமானோர் உயிரிழந்தனர். ஆயிரக்கணக்காணோர் படுகாயமடைந்தனர்.

உலகையே அதிர்ச்சிக்குள்ளாக்கிய இச்சம்பவத்தின்போது ஹாஜிகளுக்கு உதவி புரிந்துகொண்டிருந்த 'இந்தியா ஃபெடர்னிட்டி ஃபாரம்' ( IFF ) தன்னார்வலர் நியாசுல் ஹக்(ஜார்கண்ட் மாநிலம்) நெரிசலில் சிக்கி உயிரிழந்தார்.

இவருக்கு இரங்கல் தெரிவிக்கும் கூட்டம் ஜித்தா இந்திய தூதரகத்தில் நடைபெற்றது. இந்நிகழ்ச்சியில் பேசிய இந்திய துணைத் தூதுவர் பி.எஸ்.முபாரக், "வரும் ஆண்டுகளில் சிறப்பாக பணியாற்றும் ஹஜ் தன்னார்வலர்களுக்கு மறைந்த நியாசுல் ஹக் பெயரில் விருதுகள் வழங்கப்படும்" என தெரிவித்தார்.


இந்நிகழ்ச்சியில் ஏராளமான இந்தியர்கள் கலந்துகொண்டு மறைந்த நியாசுல் ஹக்கிற்கு இரங்கல் தெரிவித்தனர்.

நன்றி தினகரன்

கருத்துகள் இல்லை:

கருத்துரையிடுக