தமிமுன் அன்சாரி ஓர் களப்போராளி....!!
தமிமுன் அன்சாரி நாகை மாவட்டம் தோப்புத்துறையை சேர்ந்தவர், MBA படித்தவர், தமிழ்நாடு முஸ்லிம் முன்னேற்ற கழகத்தின் மாநில செயலாளராக இருந்தவர், மனிதநேய மக்கள் கட்சியின் மாநில பொதுச்செயலாளராக இருந்தவர்,
தமிமுன் அன்சாரி துடிப்பு மிகுந்த களப்போராளியாவார், தமது உணர்ச்சி மிகுந்த பேச்சாலும், வசீகர குரலாலும் தமுமுகவிலுள்ள இளைஞர்களை தன் வசம் ஈர்த்தார்,
மாநிலம் முழுவதும் சூறாவளி சுற்றுப்பிரசாரம் செய்து மமகவை வலுப்படுத்தினார்.
சிறந்த பேச்சாளர், சிறந்த எழுத்தாளர், சிறந்த களப்போராளி என்று அவரது பாராட்டு பத்திரங்கள் நீண்டு கொண்டே செல்லும்,
சகோதர இயக்கங்களுடன் நெருங்கி பழகக்கூடியவர், சகோதர சமுதாய இயக்க தலைவர்களான திருமாவளவன், சீமான் உள்ளிட்ட பல்வேறு தலைவர்களுடன் நேசத்துடன் பழகக்கூடியவர்,
மனிதநேய மக்கள் கட்சியில் கருத்து வேறுபாடு காரணமாக பொறுப்பிலிருந்து நீக்கப்பட்டுள்ளார்.
இந்நிலையில் அவரது அடுத்தக்கட்ட நடவடிக்கை என்னவாக இருக்கும் என்று முகநூலில் பலர் பலவிதமாக எழுதி வருவதை காண முடிகிறது.
தமிமுன் அன்சாரி தனி இயக்கம் காண்பதோ அல்லது தனி கட்சி தொடங்குவதோ அது சமுதாயத்தை மேலும் பிளவுப்படுத்தும்,
மேலும் தமிழக முஸ்லிம்களை பொறுத்தவரையில் தனி இயக்கம் தொடங்கி வெற்றிகரமாக கொண்டு செல்லும் ஆற்றல் கடந்த 25 ஆண்டுகளில் இருவரிடம் மட்டுமே இருப்பதை கண்டு வருகிறோம்,
அதில் ஒருவர் இறந்து விட்டார், அவரது இறப்பிற்கு பின் அவரது இயக்கமும் செயல்படாமல் போய்விட்டது.
இன்னொருவர் வெற்றிகரமாக இயக்கத்தை வளர்த்து விட்டார்.
தனி இயக்கம் தொடங்குவது சுலபம் என்றாலும் அதை வெற்றிகரமாக கொண்டு செல்வது என்பது சாத்தியமற்றது என்பதை கண் கூடாக காண முடிகிறது.
எத்தனையோ இயக்கங்கள் தமிழகத்தில் தோன்றினாலும் விரல் விட்டு எண்ணக்கூடிய இயக்கங்களே செயலாற்றி வருகிறது,
ஆகையால் தமிமுன் அன்சாரி தனி இயக்கம் தொடங்கி மேலும் மக்களை பிளவுப்படுத்தாமல் இருக்கக்கூடிய இயக்கங்களில் சிறந்த இயக்கமாக தேர்வு செய்து அதில் மறுமை நன்மைக்காகவும், அல்லாஹ்வுடைய திருப்திக்காகவும் களப்பணியாற்றி சமுதாய சேவையாற்ற வேண்டும்.
இதையே வெகுஜென மக்கள் எதிர்பார்க்கிறார்கள்.
கருத்துகள் இல்லை:
கருத்துரையிடுக