எழுச்சியின் விதை….!
காத்தமுன் நபியின்
வாழ்வை
பாடமாய்
படித்திடுவோம்!
மனதிலே நிறுத்திடுவோம்!
சிலைகளும்
பிழைகளுமாய் – மக்கள்
அன்று வாழ்ந்தனரே!
குலப்பெருமை
இனப்பெருமை
கொண்டாடி மகிழ்ந்தனரே!
வறியவர்க்கும்
எளியவர்க்கும்
அநீதம் இழைத்து வந்தனரே!
விபச்சாரம் மதுவும் சூதும்
மலிவாக கண்டனரே!
பெண் பிள்ளை
பிறந்துவிட்டால் – உயிரோடு
புதைத்தனரே!
அத்தனையும் கண்ட
அண்ணலார்
மனம் வெதும்பி நின்றனரே!
--
அல்லாஹ்வை வணங்கி
அவனுக்கே கீழ்படிவீர்!
சிலைகளையும், முன்னோர்
வழிகளையும் கைவிடுவீர்!
இறைவனின் வெற்றி
கண்ணெதிரே கண்டுகொள்வீர்!
மறுத்து நிராகரித்தால்
அழிவும் நாசமும் காண்பீர்!
அண்ணலாரின்
அழைப்பும் இதுவே!
இஸ்லாமிய அழைப்பின்
இலக்கணம் இதுவே!
குறைஷிகள் ஏனோ
ஏற்கவில்லை!
அறியாமை வாழ்வில்
குறையேதும் காணவில்லை!
அபூஜஹீலும் உத்பாவும்
ஆணவம் கொண்டனரே!
கோபத்தின் உச்சிக்கே
குறையாமல் சென்றனரே!
கடும் வன்சொற்களால்
கண்ணெதிரே திட்டினரே!
ஒட்டகத்தின் குடலை
ஓடி வந்து இட்டனரே!
அபூலஹபும்
அவன் பங்கை
குறையேதும் வைக்கவில்லை!
கைம்மண்ணை முகத்தில்
அடித்தான்!
பாதையெங்கும் முற்கள்
இட்டான்!
பைத்தியம் பிடித்தது
முஹம்மதை – யாரும்
பேச்சை கேட்காதீர் என்றான்!
இவர் பேச்சை கேட்டு
முன்னோர் வழியை
விடாதீர் என்றான்!
அனைத்தையும் சகித்தார் நபி!
அதைவிடவும் பொறுத்தார் நபி!
பொறுமையின் இலக்கணமாய்
வாழ்ந்தார் நபி!
பொறுமையும் சகிப்பும்
இஸ்லாத்தின் இலக்கணமன்றோ!
இவைதான் இஸ்லாமிய
எழுச்சிக்கான விதையுமன்றோ!
விதைகள்தான் விருட்சமாகும் - அது
இறைவனின் நியதியுமன்றோ!
--
வஸ்ஸலாம்.
Wassalam,
Gulam.
கருத்துகள் இல்லை:
கருத்துரையிடுக