Flash Return

அஸ்ஸலாமு அலைக்கும் (வரஹ்) ...

Green Flash

அல்லாஹ் கூறுகின்றான் “ முஃமின்களே! நியாயத்தை நிலை நாட்டுவதற்காக அல்லாஹ்வுக்கு நீங்கள் உறுதியான சாட்சியாக இருங்கள். எந்த ஒரு கூட்டத்தார் மீதும் நீங்கள் கொண்டுள்ள வெறுப்பு நீதி செய்யாமலிருக்க உங்களைத் தூண்ட வேண்டாம். நீதி செய்யுங்கள். இதுவே (தக்வாவுக்கு) பயபக்திக்கு மிக நெருக்கமாகும். அல்லாஹ்வுக்கு அஞ்சுங்கள். நிச்சயமாக அல்லாஹ் நீங்கள் செய்பவற்றையெல்லாம் நன்கு அறிந்தவனாக இருக்கின்றான்.”(அல்குர்ஆன் 5:8)*******

Red Flash

“நீங்கள் தும்மினால், ‘அல்ஹம்துலில்லாஹ்’ (எல்லாப் புகழும் அல்லாஹ்வுக்கே) என்று சொல்லுங்கள். (நீங்கள் இவ்வாறு கூறியதைக் கேட்கும்) ‘உங்கள் சகோதரர்’ அல்லது ‘நண்பர்’ யர்ஹமுக்கல்லாஹ் (அல்லாஹ் உங்களுக்குக் கருணை புரியட்டும்) என்று சொல்லட்டும். அவர் உங்களுக்காக ‘யர்ஹமுக்கல்லாஹ்’ என்ற சொன்னால், நீங்கள் (அவருக்காக) ‘யஹ்தீக்குமுல்லாஹ் வ யுஸ்லிஹ் பாலக்கும்’ (அல்லாஹ் உங்களுக்கு நல்வழி காட்டட்டும்! உங்கள் நிலையைச் சீராக்கட்டும்) என்று சொல்லுங்கள் என நபி (ஸல்) அவர்கள் கூறினார்கள். அறிவிப்பவர்: அபூ ஹுரைரா (ரலி) நூல்: புகாரி 6224..!....

ஞாயிறு, 17 ஜனவரி, 2016

ஆலன் ரிக்மேன் – மரணத்தை தழுவிய Half Blood Prince


ஆலன் ரிக்மேன் – மரணத்தை தழுவிய Half Blood Prince 

பிரித்தானிய நடிகரான ஆலன் ரிக்மேன் தனது 69 வது வயதில் புற்றுநோயால் பாதிக்கப்பட்டு உயிரிழந்தார். பல ஆங்கில படங்களில் நடித்த இவரை பலருக்கு ப்ரோபஸர் ஸ்னேப் என்றே தெரியும். ஹாரி பாட்டர் கதைகளில் வரும் முக்கிய கதாபாத்திரம் தான் இந்த ஸ்னேப். ரிக்மேன் ஒரு நடிகராக மட்டுமல்லாமல் முன்னேற்ற அரசியலிலும் தீவிர ஈடுபாடு கொண்டவர். குறிப்பாக பாலஸ்தீன உரிமைகளுக்காக தனது ஆதரவினை தெரிவித்து வந்தவர்.

2005 ஆம் ஆண்டு “My Name is Rachel Corrie” என்ற நாடகத்தை இயக்கியவர். இந்த நாடகம் இஸ்ரேலிய படையினாரால் கொல்லப்பட்ட 23 வயது அமெரிக்க பெண்ணின் வாழ்க்கையை அடிப்படையாக கொண்டது. வாசிங்டனின் ஒலிம்பியாவில் உள்ள எவர்கிரீன் ஸ்டேட் காலேஜ் மாணவியான ரேச்சல், பாலஸ்தீன ஆதரவு அமைப்பான சர்வதேச ஒற்றுமை அமைப்பு மூலம் ஆக்கிரமிக்கப்பட்ட காசா பகுதிக்கு 2003 இல் சென்றிருந்தார். அப்போது பாலஸ்தீனிய வீடுகளை இஸ்ரேல் ராணுவத்தினர் சட்டவிரோதமாக இடிப்பதை எதிர்த்து போராடிய ரேச்சல் மீது இஸ்ரேல் ராணுவத்தினர் புல் டோசர் ஏற்றி கொலை செய்தனர்.
இந்த ரேச்சலை பற்றிய நாடகத்தை தான் ஆலன் ரிக்மேன் எழுதி இயக்கியிருந்தார். இங்கிலாந்தில் வெற்றிகரமாக ஓடிய இவரது நாடகம் ரேச்சல் ஒரு அமெரிக்கர் என்ற போதிலும் அமெரிக்காவில் கடும் எதிர்ப்பை சந்தித்தது. அமெரிக்காவில் ஆதிக்கம் செலுத்திவரும் இரேலிய ஆதரவு யூத குழுவினர் இந்த நாடகத்திற்கு கடும் எதிர்ப்பு தெரிவித்திருந்தனர்.
ஆலன் ரிக்மேனின் மறைவிற்கு ரேச்சல் கோரியின் குடும்பம் தங்களது இரங்கலை தெரிவித்துள்ளது. அதில் அவர்கள் கூறியதாவது “நேற்று நாங்கள் கண்விழிக்கும்போது எங்களது நண்பரான ஆலன் ரிக்மேன் புற்றுநோயால் மரணித்ததை அறிந்து மிகுந்த மன வருத்தத்திற்கு உள்ளானோம். ரிக்மேன் ரேச்சலை ஒரு முறை கூட சந்தித்திருக்கவில்லை என்றாலும் எங்களது மகள் / சகோதரியான ரேச்சலுக்கு சிறந்த நண்பராவர். ” My Name is Rachel Corrie” என்ற நாடகத்தை உருவாக்கியதில் முக்கிய பங்காற்றியது அவர்தான்.” என்று கூறியுள்ளனர். மேலும் அவர் எங்கள் குடும்பத்தினராலும் மற்றவர்களாலும் மிகவும் விரும்பப்படுபவர் என்றும் கூறியுள்ளனர்.
ஹாரி பாட்டர் கதைகளில் Half Blood Prince என்று அழைக்கப்படும் இவர் தன் செயலிலும் இளவரசர் தான்.

கருத்துகள் இல்லை:

கருத்துரையிடுக