Flash Return

அஸ்ஸலாமு அலைக்கும் (வரஹ்) ...

Green Flash

அல்லாஹ் கூறுகின்றான் “ முஃமின்களே! நியாயத்தை நிலை நாட்டுவதற்காக அல்லாஹ்வுக்கு நீங்கள் உறுதியான சாட்சியாக இருங்கள். எந்த ஒரு கூட்டத்தார் மீதும் நீங்கள் கொண்டுள்ள வெறுப்பு நீதி செய்யாமலிருக்க உங்களைத் தூண்ட வேண்டாம். நீதி செய்யுங்கள். இதுவே (தக்வாவுக்கு) பயபக்திக்கு மிக நெருக்கமாகும். அல்லாஹ்வுக்கு அஞ்சுங்கள். நிச்சயமாக அல்லாஹ் நீங்கள் செய்பவற்றையெல்லாம் நன்கு அறிந்தவனாக இருக்கின்றான்.”(அல்குர்ஆன் 5:8)*******

Red Flash

“நீங்கள் தும்மினால், ‘அல்ஹம்துலில்லாஹ்’ (எல்லாப் புகழும் அல்லாஹ்வுக்கே) என்று சொல்லுங்கள். (நீங்கள் இவ்வாறு கூறியதைக் கேட்கும்) ‘உங்கள் சகோதரர்’ அல்லது ‘நண்பர்’ யர்ஹமுக்கல்லாஹ் (அல்லாஹ் உங்களுக்குக் கருணை புரியட்டும்) என்று சொல்லட்டும். அவர் உங்களுக்காக ‘யர்ஹமுக்கல்லாஹ்’ என்ற சொன்னால், நீங்கள் (அவருக்காக) ‘யஹ்தீக்குமுல்லாஹ் வ யுஸ்லிஹ் பாலக்கும்’ (அல்லாஹ் உங்களுக்கு நல்வழி காட்டட்டும்! உங்கள் நிலையைச் சீராக்கட்டும்) என்று சொல்லுங்கள் என நபி (ஸல்) அவர்கள் கூறினார்கள். அறிவிப்பவர்: அபூ ஹுரைரா (ரலி) நூல்: புகாரி 6224..!....

வெள்ளி, 2 ஜனவரி, 2015

புராணங்கள் அடிப்படையில் வரலாற்று உண்மைகளை திரித்து எழுதுவது குறித்து வரலாற்று ஆய்வு கவுன்சில் கவலை!

புராணங்கள், ஊகங்களின் அடிப்படையில் இந்தியாவின் வரலாற்று உண்மைகளை திரித்து எழுதுவது வருத்தமளிப்பதாக வரலாற்று ஆய்வு கவுன்சில் தெரிவித்துள்ளது.

வரலாற்று அறிஞர்கள், ஆர்வலர்கள் 10 ஆயிரத்தும் மேற்பட்டோர் அங்கம் வகிக்கும் கவுன்சிலின் 80-ஆம் ஆண்டையொட்டி டெல்லியில் அண்மையில் கூட்டம் நடைபெற்றது.
இக்கூட்டத்தில் நிறைவேற்றப்பட்ட தீர்மானம் ஒன்றில், புராணங்கள், ஊகங்களின் அடிப்படையில் இந்தியாவின் வரலாற்று உண்மைகளை திரித்து எழுதும் முயற்சிகள் நடைபெற்று வருகின்றன. பிரதமர் மோடியும், வரலாற்று உண்மைகளுக்கு புறம்பாக பேசுவது வருத்தமளிக்கிறது.
மருத்துவமனை நிகழ்ச்சி ஒன்றில் விநாயகனின் தலையில் யானையின் தலையைப் பொருத்தியதன் மூலம் புராண காலத்திலேயே பிளாஸ்டிக் சர்ஜரி முறை தொடங்கிவிட்டது என்று பிரதமர் பேசியிருக்கிறார். இது போன்ற கருத்துகள் வரலாற்றைத் திரிப்பதாகும். இவ்வாறு திரிக்கப்படும் வரலாற்று உண்மைகள் பள்ளிப் பாட புத்தங்களில் இடம்பெற உள்ளதாகவும் கூறப்படுவது கவலைக்குரியது என்று அந்த தீர்மானத்தில் குறிப்பிடப்பட்டுள்ளது.

கருத்துகள் இல்லை:

கருத்துரையிடுக