லப்பைகுடிகாடு அருகே உள்ள திருமாந்துறை கிராமத்தை சேர்ந்தவர் தியாகராஜன். இவருடைய மனைவி சம்பூரணம். இவரும், இவருடைய உறவினர் சுதாவும் நேற்று வீட்டில் இருந்தனர்.
அப்போது மோட்டார் சைக்கிளில் வந்த 2 வாலிபர்கள் பாத்திரத்திற்கு பாலீஷ் போட்டு தருவதாக கூறினர். உடனே சம்பூரணம் வீட்டில் இருந்த பித்தளை பாத்திரத்தை பாலீஷ் போட கொடுத்தார். அதற்கு பாலீஷ் போட்ட வாலிபர்கள் நகைகளுக்கும் பாலீஷ் போட்டு தருவதாக கூறினர். பின்னர் சம்பூரணத்திடம் இருந்து 3 பவுன், சுதாவிடம் இருந்து 2 பவுன் தங்க சங்கிலிகளை வாங்கி பாலீஷ் போடுவது போல நடித்து ஒரு பாத்திரத்தில் நகையை போட்டு அரை மணி நேரம் கழித்து பாருங்கள் என்று கூறி சென்று விட்டனர். சிறிது நேரம் கழித்து 2 பெண்களும் அந்த பாத்திரத்தில் பார்த்த போது நகைகளை காணவில்லை. உடனே தாங்கள் ஏமாந்து விட்டதை உணர்ந்த 2 பெண்களும் உணர்ந்தனர். பின்னர் இது குறித்து சம்பூரணம் கொடுத்த புகாரின் பேரில் மங்களமேடு போலீசார் வழக்கு பதிவு செய்து விசாரணை நடத்தி வருகின்றனர்.
கருத்துகள் இல்லை:
கருத்துரையிடுக