அபுதாபி: ஐக்கிய அரபு அமீரகத்தில்(யு.ஏ.இ) ராணுவ சேவைக்கான சட்டத்தில் அதிபர் ஷேக் கலீஃபா பின் ஸெய்யத் அல் நஹ்யான் அங்கீகாரம் அளித்துள்ளார்.
18 வயதுக்கும் 30 வயதுக்கும் இடைப்பட்ட நபர்களுக்கு ராணுவ சேவை கட்டாயம்.பெண்களுக்கு விலக்கு அளிக்கப்பட்டுள்ளது.செக்கண்டரி பள்ளிப்படிப்பை முடித்தவர்கள் 9 மாதமும், முடிக்காதவர்கள் 12 மாதமும் கட்டாய ராணுவ
சேவை செய்யவேண்டும். அரசின் கெஜட்டில் வெளியிட்ட பிறகு ஆறு மாதத்திற்குள் இச்சட்டம் அமலுக்கு வரும்.சேவையை பூர்த்திச் செய்தவர்களுக்கு கிடைக்கும் சலுகைகள் குறித்து சட்டத்தில் குறிப்பிடப்பட்டுள்ளது.அரசு வேலை, தனியார் வர்த்தக நிறுவனங்களில் முன்னுரிமை, கல்வி உதவித்தொகை, திருமண உதவி, வீடு உதவி ஆகிய சலுகைகள் ராணுவ சேவையை பூர்த்திச் செய்தவர்களுக்கு வழங்கப்படும்.
சட்டவிரோத அமைப்புகளில் பணியாற்றிய நபர்களுக்கு ராணுவ சேவைக்கு தடை விதிக்கப்பட்டுள்ளது.29 வயதிற்குள் தெளிவான காரணங்கள் ஏதுமில்லாமல் ராணுவ சேவையில் கலந்துகொள்ளாதவர்களுக்கு ஒரு மாதம் முதல் ஒருவருடம் வரையிலான சிறைத்தண்டனை அல்லது 10 ஆயிரம் முதல் 50 ஆயிரம் திர்ஹம் வரையிலான அபராதமோ விதிக்கப்படும்.அதுமட்டுமல்ல, 30 வயது கழிந்தாலும் இவர்கள் ராணுவ சேவைச் செய்யவேண்டும் என்று சட்டம் கூறுகிறது.
செகண்டரி கோர்ஸில் 80 சதவீதத்திற்கும் அதிகமான மதிப்பெண்களுடன் வெற்றிப் பெற்றவர்களுக்கு அவர்களுடைய படிப்பு பூர்த்திச் செய்ய அனுமதிக்கவேண்டும் என்று ஃபெடரல் நேசனல் கவுன்சில் வலியுறுத்தியுள்ளது.வேலையில் சேர்ந்தவர்களுக்கு ராணுவ சேவை காலக் கட்டத்தில் வேலைக்கான சலுகைகளும், பதவி மூப்பும் வழங்கப்படும்.
தேசத்தின் பாதுகாப்பை கருத்தில் கொண்டு புதிய பாதுகாப்பு அணியை வார்த்தெடுத்தல் என்ற உத்தேசத்துடன் ராணுவ பயிற்சிகள் கட்டாய ராணுவ சேவைக் காலக்கட்டத்தில் அளிக்கப்படும்.ஆயுத படையைச் சார்ந்தவர்களுக்கு தேசப் பாதுகாப்பு தொடர்பான கூடுதல் பயிற்சி வழங்கப்படும்.
செய்தி:தேஜஸ்
நன்றி தூது ஆன்லைன்
கருத்துகள் இல்லை:
கருத்துரையிடுக