நீங்களும் பாபா சாஹிப் தான்..
தன்மானம்,தன்னறிவு, தன்னடக்கம்,ஆகிய மூன்றும் வாழ்கைக்கு மிக சிறந்த ஆற்றல் அளிக்க கூடியவை
- அம்பேத்கர்
சமூக நீதி குறித்து இன்று அறிவுஜீவிகளும் அரசாங்கமும் சேர்ந்து பட்டிமன்றம் நடத்தி கொண்டிருகின்றன,சமூக நீதிக்கான வரைவிலக்கணங்களாக,ஒருவன் பொருளாதார ரீதியாக வலிமை பெற்று விட்டால் அவனது சமூக வாழ்வு மேன்மை அடைந்து விட்டது என்று ஒரு சாராரும், இல்லை கல்வியறிவு பெற்றுவிட்டால் ஒருவனின் சமூக வாழ்வு மேன்மையடைகிறது என்று மற்றொரு சாராரும் சர்வதேசிய அளவுகோலை வைத்து விவாதித்து கொண்டிருக்கையிலேயே இந்தியாவின் இயல்பை மறந்து விடுகின்றனர்.
சமூக நீதி குறித்தான மதிப்பீடுகளுக்கு அம்பேத்கரின் வாழ்வே போதுமான ஆதாரமாகும், ஒருவன் பொருளாதார மேம்பாடும், கல்வி அறிவில் தன்நிறைவு அடைந்து விட்டாலும் பொது சமூகத்தில் இருந்து அப்புறப்படுத்தப்பட்ட நிலையிலேயே அடிமைப்படுத பட்டு புரகனிக்கப்பட காரணமான சாதிய கட்டமைப்பையும் அதை தங்கி நிற்கும் இந்து மதத்தையும் தகர்த்து எரியாமல் ஒருவன் சமூக நீதியை பெற்றுவிட முடியாது,
ஆம் கல்விகற்க பள்ளிசென்றவுடனேயே நேரடியாக சாதிய தாக்குதலை பொது சமூகத்தில் இருந்து அம்பேத்கர் எதிர்கொள்ள வேண்டி இருந்தது.
ஏனைய பிள்ளைகளை போல் சமமாக அமர வாய்ப்பு மறுக்கப்பட்டு வகுப்பறைக்கு வெளியே கோணிப்பை விரித்து அமரவைக்க்கப்பட்டார். பள்ளிகூடத்தில், பொது குவளையில் நீரருந்த தடை, நீர் தேவைபட்டால் பள்ளிக்கூடத்தின் ப்யூன் நீரினை அள்ளி மேலிருந்து கீழ் ஊற்றுவார், கைகளில் பிடித்து குடித்து கொள்ளலாம், பியுனும் இல்லை எனில் அன்று நீர் கிடைக்காது ஒரே பள்ளி, ஒரே வகுப்பறை, ஒரே கட்டணம் செலுத்திய போதும் உயர் சாதி மாணவர்களை கவனிக்கும் ஆசிரியர்கள் தாழ்ந்த சாதி மாணவனை கவனிக்க மாட்டார்கள் அனால் அம்பேத்கர் இவைகளை எல்லாம் கவனித்தார் பின்னாளில் ‘ பியூனும் நீரும்’ என்று கட்டுரை எழுதும் அளவிற்கு கவனித்தார். புரச்சூழலால் அதீதமான முறையில் நெருக்கடிக்கு உள்ளான ஒரு இராணுவ அதிகாரியின் மகனுக்குள் பாபசாஹிப் துளிர் விட்ட தருணம் இது தான்.
அம்பேத்கர் என்று பள்ளியின் பதிவேட்டில் ராம்ஜி சக்பால் என்று பதிந்திருந்தார் அனால் பள்ளி பாபா சாஹிபை உருவாக்கி கொண்டிருந்தது.
இன்று அநேகம் பேர் இது போன்று அனுதினமும் வன்கொடுமைகளுக்கு ஆளாகி கொண்டிருகின்றோம் ஆனால் எத்தனை பாபாசாஹிபுகள் தோன்றினார்கள் என்ற கேள்வி எழுகிறது.
அம்பேத்கர் வளர வளர அவரின் கல்வியறிவும் வளர்த்தது, கூடவே வன்கொடுமைகளும் வளர்த்தது. இந்த வன்கொடுமைகளுக்கு தீர்வுகட்ட அம்பேத்கர் மனதில் பாபபாசாஹிபும் வளர்த்தார்.
ஆம் பாபசாஹிப் என்பது ஒரு உருவக பெயர் மக்கள் உணர்வு பொங்க சூட்டிய பெயர்.
தன்னறிவாள் தன்மானம் மிகைத்து அந்த தன்மானம் தன் இனமானம் காக்க நீங்கள் தரணியில் பவனி வந்தால் நீங்களும் பாபாசாஹிப்தான்….
தொடரும்…..
நன்றி தூது ஆன்லைன்
கருத்துகள் இல்லை:
கருத்துரையிடுக