பேரன்புடையீர்,
அஸ்ஸலாமு அலைக்கும் (வரஹ்.வப.)
இ.டி.ஏ. குழும நிறுவனங்களின் மேலாண்மை இயக்குநர் மதிப்புமிகு அல்ஹாஜ் செய்யிது எம்.ஸலாஹுத்தீன் அவர்களது நெறிகாட்டலில் இ.டி.ஏ.குழும நிறுவனங்களின் மேலதிகாரிகளால் அல்ஹாஜ் எம்.அக்பர்கான் அவர்களை நிர்வாக அறங்காவலராகக் கொண்டு உருவாக்கப்பெற்ற சமுதாய நல அறக்கட்டளை (Community Welfare Trust) மருத்துவச் சேவையை மிகவும் சிறப்பாகச் செய்து வருகிறது.
ஒரு மருத்துவர், ஒரு செவிலி, ஒரு மருந்தாளுநர், ஓர் ஒருங்கிணைப்பாளர் ஆகியோரைக் கொண்ட குழு தினமும் இலவச நடமாடும் மருத்துவமனை (Mobile Medical Care Unit) மூலம் ஆரம்ப சுகாதார நிலையம் கூட இல்லாத குக்கிராமங்களுக்குச் சென்று சாதி, சமய, இனப் பேதமற்று மக்களுக்கு இலவசமாக மருத்துவப் பரிசோதனை செய்து இலவசமாகவே மருந்துகளும் அளித்துவருகின்றது.
இதுவரை நெல்லை மாவட்டத்தில் 30 குக்கிராமங்களில் 25000 பேர், இராமநாதபுரம் மாவட்டத்தில் 27 குக்கிராமங்களில் 6000 பேர்,
பெங்களூரு இராமநகரத்தில் 7000 பேர் பயன் பெற்றுள்ளனர்.
இன்ஷா அல்லாஹ் 4ஆம் கிளையாக வரும் 04-07-2013 வியாழக்கிழமை முதல் பெரம்பலூர் மாவட்டத்தில் லெப்பைக்குடிகாட்டை மையமாகக் கொண்டு சமுதாய நல அறக் கட்டளையின் மருத்துவத் தொண்டு தொடங்கவுள்ளது.
விழாவில் கலந்துகொண்டும் துஆ செய்தும் வாழ்த்தியருள விழைகிறோம்.
கருத்துகள் இல்லை:
கருத்துரையிடுக