கடலூர் மாவட்டம், திட்டக்குடி வட்டம், அரங்கூரைச் சேர்ந்தவர் ரெங்கசாமி மகன் சீனிவாசன் (45). இவர், வெளிநாட்டில் கட்டடத் தொழிலாளியாக பணிபுரிந்து வந்தார். கடந்த சில மாதங்களுக்கு முன்பு சொந்த கிராமத்துக்கு வந்த சீனிவாசன் மீண்டும் வெளிநாடு செல்வதற்கு விண்ணப்பிக்க லப்பைக்குடிக்காட்டில் உள்ள தனியார் அலுவலகத்துக்கு திருமாந்துறை கிராமத்திலிருந்து சிற்றுந்தில் புதன்கிழமை சென்றார்.
அப்போது, சிற்றுந்திலிருந்து தவறி கீழே விழுந்ததில் பலத்த காயமடைந்த சீனிவாசன் அந்த இடத்திலேயே உயிரிழந்தார்.
மங்கலமேடு போலீஸார் அங்கு சென்று சீனிவாசன் சடலத்தை மீட்டு பரிசோதனைக்காக பெரம்பலூர் அரசு மருத்துவமனைக்கு அனுப்பி வைத்தனர். மேலும், வழக்குப் பதிந்து விசாரணை மேற்கொண்டுள்ளனர்.
கருத்துகள் இல்லை:
கருத்துரையிடுக