எஸ்.டி.பி.ஐ. கட்சியினர் முற்றுகை போராட்டம்
பெரம்பலூர், மார்ச்.13-பெரம்பலூர் தாலுகா அலுவலகத்தை எஸ்.டி.பி.ஐ கட்சியினர் முற்றுகையிட்டு போராட்டம் நடத்தினர். இந்த போராட்டத்திற்கு முகம்மது ரபீக் தலைமை தாங்கினார். மாவட்ட செயலாளர் சித்திக் பாஷா,மாவட்ட துணைத்தலைவர் சாகுல்ஹமீது, செயலாளர் இதயத்துல்லாஹ் முன்னிலை வகித்தனர். மாவட்ட செயற்குழு உறுப்பினர்கள் முகம்மது ரசூல், அப்துல் ரஹீம், அப்துல்கனி, பெரம்பலூர் நகர தலைவர் அகமது இக்பால், வி.களத்தூர் நகர தலைவர் முகம்மது பாருக் உள்பட பலர் கலந்து கொண்டனர். அதிகரித்து வரும் லஞ்ச ஊழலை தடுக்க வேண்டும். தமிழகத்தில் லோக் ஆயுக்தாவை அமல்படுத்த வேண்டும் என்பது உள்பட பல்வேறு கோரிக்கைகளை வலியுறுத்தி இந்த போராட்டம் நடந்தது. முற்றுகையிட்ட சுமார் 30 பேரை பெரம்பலூர் மாவட்ட காவல் துறை கைது செய்தது.கைது செய்த அனைவரையும் மாலை 6மணிக்கு விடுதலை செய்தனர்.
மின்னஞ்சல் மூலமாக
பாப்புலர் ஃப்ரண்ட் LBK
கருத்துகள் இல்லை:
கருத்துரையிடுக