இறைவா ! உன்னையே வணங்குகின்றோம் உன்னிடத்தில் மட்டுமே உதவியையும் தேடுகின்றோம்.

நமதூர் மக்களின் துஆவும் இறைவனுடைய உதவியும் 

 
14.05.2013 அன்று நமதூரில் நடைபெற்ற மழை தொழுகையில் நமதூரின் கிழக்கு மற்றும் மேற்கு சுன்னத்துவல் ஜமாத் சார்பாக ஏற்பாடு செய்யபட்டது. இதில் நமதூர் நலம் மற்றும் ஊர் ஒற்றுமையை கருதி பெரும் திரளான மக்கள் கலந்து கொண்டு அல்லாஹ்வும் அவனுடைய ரசூலும் காட்டி தந்த வழி முறையில் மழை தொழுகையை நிறைவோற்றினார்கள். அல்ஹம்து லில்லாஹ்.

மழை தொழுகையை சரியாக காலை 9.30 மணியளவில் கிழக்கு பள்ளி இமாம் தொழ வைத்தார். பின்னர் நடைபெற்ற பேரூரையில் மேற்கு பள்ளி தலைமை இமாம் அவர்கள் மழைத் தொழுகையின் அவசியத்தை பற்றி அழகிய முறையில் விளக்கினார்.

அல்லாஹ் தன்திருமறையில் கூறுகிறான்...

அல்லாஹ்வே மேகத்திலிருந்து மழையை பொழியச் செய்து உயிரிழந்த பூமிக்கு உயிரூட்டுகிறான். (நல்லுபதேசத்திற்கு) செவி சாய்க்கும் மக்களுக்கு நிச்சயமாக இதில் ஓர் அத்தாட்சி இருக்கிறது. (அல்குர்ஆன் 16 65 )

இந்த தொழுகையின் மூலம் அல்லாஹ்வின் உதவியை நேரடியாக நமதூர் மக்கள் பார்த்தார்கள் என்று கூறினால் அது மிகையல்ல. காரணம் பார்ப்பவர்களுக்கும், வியாக்கியான் கூறுபவர்களுக்கும் நடைபெற்ற சம்பவம் ஒரு எதார்த்தமாகவே அவர்களுக்கு காட்சியளித்தாலும், உள்ளச்சதோடு எல்லாம் வல்ல அல்லாஹ்வின் உதவியை மட்டுமே எதிர்பார்த்த மாந்தர்கள் மத்தியில் அல்லாஹ் தன் அருளை வெளிப்படுத்தும் வண்ணம் இன்று நமதூரில் அல்லாஹ்வின் அருள் மழை இறங்கியது. இதனால் நமதூரில் சற்று சூடு தனிந்தது. அல்லாஹு அக்பர்..

கருத்துக்கள் பல வகை நமக்குள் இருந்தாலும் இப்படிப்பட்ட நல்ல அமல்களில் குரோத மனப்பான்மை இறைவனுக்காகவே மட்டும் களைந்து, நல்ல தலைமைக்கு கட்டுப்பட்டவர்களாக இறைவனுடைய உதவியை எதிர் பார்த்தவண்ணம் இருந்தால் அவர்களை வேண்டுதலை இறைவன் செவிசாய்த்து உதவிப்புரிபவனாகவே இருக்கிறான். என்பதற்கு இது ஒரு பறைசாற்று.

காரணம் இறைவனை நோக்கி நாம் நடந்தால் அவன் நமக்கு உதவிபுரிய நம்மை நோக்கி ஓடி வருபவனாகவே இருக்கிறான். என்பதை ஆனித்தனமாக நம் மனதில் நாம் பதியவைக்க வேண்டும். அப்பெழுது தான் நாம் செல்லக்கூடிய அனைத்து பாதைகளுக்கும் இளகுவாக வழிகிடைத்து நமக்கு முட்டுக்கட்டையாக இருக்க கூடியவைகளுக்கும் நமதூருக்கு சவாலாக திகழக்கூடிய பாதள சாக்கடைத்திட்டதிற்கும் விரைவில் தீர்வு பிறக்கும் என்பது நம் எதிரிகளுக்கு கூட தெரிந்த உண்மை.  

நமது நிருபர்.