திருவனந்தபுரம் : பசுமாடு யாருக்கு சொந்தமானது என்பது தொடர்பில் கேரளாவில் நடைபெற்றுவரும் ஒரு சர்ச்சையான வழக்கில், அந்த பசுமாட்டின் மரபணு சோதனை முடிவுகள் வெளிவந்துள்ளன.
கீதா என்ற பெண்மனி தன்னுடைய பசுமாட்டை தன்னுடைய அண்டை வீட்டாரான சஷிலேகா திருடியதாக குற்றஞ்சாட்டியிருந்தார். ஆனால் தற்போது மரபணு முடிவுகளின்படி அந்த குறிப்பிட்ட பசுமாடு சஷிலேகாவின் பசுவே என்று தெரியவந்துள்ளதை அடுத்து, அவரே இந்த வழக்கில் வெற்றி பெறவுள்ளார் என்று சஷிலேகாவின் வழக்கறிஞர் தெரிவித்துள்ளார்.
இந்த பசு மாடு உரிமைத் தகராறு தொடர்பிலான வழக்கில் பசு மாடு நீதிமன்றத்திற்கு கூட கொண்டு வரப்பட்டது என்பது குறிப்பிடதக்கது.
இந்தியாவில் இந்துக்கள் புனிதமாகக் கருதும் பசுமாடுகளின் உரிமை தொடர்பில் நீதிமன்றத்தில் விசாரணை நடைபெறுவது இதுவே முதல் முறையாக இருக்கக்கூடும் என்று கூறப்படுகிறது.
தனது பண்ணையிலுள்ள மாட்டின் கன்றுதான் அண்டை வீட்டில் வளர்க்கப்படும் இந்த குறிப்பிட்ட பசுமாடு என்று கீதா நீதிமன்றத்தில் மனு தொடுத்திருந்தார். ஆனால் அந்த பசுவை வளர்த்தவரோ தனது பசுமாடு கீதாவின் பண்ணையில் இருந்து வந்த கன்றல்ல என்று மறுப்பு தெரிவித்தார்.
இந்த சிக்கலை விஞ்ஞான ரீதியில் தீர்க்க முயன்ற நீதிமன்றம் இந்த குறிப்பிட்ட பசுவிடம் மரபணு பரிசோதனை செய்யும்படி உத்தரவிட்டிருந்தது. அந்த மரபணு பரிசோதனை முடிவின்படி கீதாவின் பண்ணையில் இருக்கும் பசுமாடுகளுக்கும் சஷிலேகாவின் பசுமாட்டுக்கும் எந்த தொடர்பும் இல்லை என்று தெரியவந்துள்ளது. எனவே தற்போது இந்த குறிப்பிட்ட பசுமாடு சஷிலேகாவிடமே தொடர்ந்து இருக்கும் என்று தெரிகிறது.
தன் மீது அபாண்டமாக புகார் அளித்த கீதாவிடமிருந்து இழப்பீடு பெற திட்டமிட்டுள்ளதாக சஷிலேகாவின் வழக்கறிஞர் சந்திர பாபு பிபிசியிடம் தெரிவித்துள்ளார். சஷிலேகாவை தேவையற்ற மன வேதனைக்கு ஆளாக்கிய காரணத்திற்காக கீதாவுக்கு எதிராக அவதூறு வழக்கு தாக்கல் செய்யவுள்ளதாகவும் வழக்கறிஞர் சந்திர பாபு கூறினார்.
நீதிமன்ற விசாரணைக்கு கொண்டு வரப்பட்ட அந்த பசுமாட்டை சஷிகலா மீண்டும் தன் வீட்டுக்கு கூட்டிச்செல்ல நீதிமன்றத்திற்கு ரூபாய் 45,000 பாதுகாப்பு தொகை செலுத்த வேண்டியிருந்தது என்பது குறிப்பிடத்தக்கது.
நன்றி தூது ஆன்லைன்
கருத்துகள் இல்லை:
கருத்துரையிடுக