பெற்றோர்களே
எச்சரிக்கை!
16 வயது… பெண்களுக்கு ஒருவிதமான மனரீதியான ரசாயன மாற்றத்தை கொடுக்க கூடிய ரெண்டும்
கெட்டான் வயது,
நல்லதும் தெரியாது, கெட்டதும் புரியாது என்பார்கள்.. வெழுத்ததெல்லாம் பால்
மின்னுவதெல்லாம் பொன் என்று நினைத்து விடுகிறார்கள்.
தற்பொழுது இந்த வயது அளவு 13 லிருந்து தொடங்கிவிடுகிறது.
நறுக்கு
சுறுக்குன்னு ஒருபார்வை.. உங்க செல்போன் நம்பர் என்ன? என்று கேட்டு ஒரு சிரிப்பு.. அவ்வளவு தான் மறுநாளில்
இருந்து அந்த செல்போன் நம்பருக்கு மணி கணக்கில் பேச்சு… 3 மாதம் கழித்து அந்த பையனுடன் ஓட்டம். இது தான் இன்றைய பள்ளி
மாணவிகளின் தறிகெட்ட நிலை. இதில் பலர் முதல் திருமணம் செய்த வாலிபர்கள் என்பது
வெளியே தெரியாத கொடுமை.
செல்போன் வசதி
இல்லாத மாணவிகள் காதலனின் செல்போனுக்கு 1 ரூபாய் நாணய தொலைபேசியில் இருந்து தங்களது அழகை நீட்டி முழக்குகின்றனர்.
நேற்று இரவு டி.வி.யில் பார்த்த சினிமா காதல் காட்சிகள் முதல் சுவற்றில்
ஒட்டப்பட்டிருக்கும் ஆபாச சுவரொட்டிகள் வரை அவர்களது பேச்சில் கலந்து மூச்சை
சூடாக்குகிறது.
காதலன் என்ன
சொன்னாலும் உண்மை என்று நம்பி நாமும் அது போல் செய்து பார்த்தால் என்ன என்ற ஒரு
வித அசட்டு தைரியம் வந்து விடுகிறது. விளைவு வீட்டிலிருந்து ரன்…
வாரத்திற்கு
குறைந்த பட்சம் 10
வழக்குகளாவது
பதிவாகிறது. காணாமல் போன மாணவிகளை தேடி பார்த்தால் ஏதாவது ஒரு பையனுடைய வீட்டில், குடித்தனம் நடத்தும் “காதல்”
பட காட்சிதான்.
அவர்களை அழைத்து
வந்தால் 14
வயது நிரம்பிய அந்தமாணவி
பேசும் வசனங்கள் பெற்றோரை ரணமாக்குகிறது.. வாழ்ந்தால் அவரோடு, இல்லையேல் மண்ணோடு… என்ற சொல்லும் அந்த மாணவி சிறு பிள்ளையாய் இருக்கும் போது பார்த்து, பார்த்து
வளர்த்து… வெயில்படாமல், மழைபடாமல் கொஞ்சி வளர்த்த பெற்றோரின் பிஞ்சு மனது கனப்பதை காணமுடிகிறது. புண்ணியத்திற்கு
போலீசார் அந்தப் பெண்ணிடம் வாழ்க்கையை எடுத்து கூறி நம்பிக்கையை ஏற்படுத்தி
அந்தப்பெண்ணின் எதிர்காலம் கருதி அந்தப் பையனை எச்சரித்து அனுப்பி விடுகிறார்கள்.
இது குறித்து
போலீஸ் அதிகாரி ஒருவர் கூறும்போது, செல்போனும்,
டி.வி.யில்
காட்டப்படும் சினிமாவும்தான் சிறுமிகளின் மனதை கெடுக்கிறது. இதனால் பள்ளிக்கு
செல்லும் அந்த சிறுமிகள் தங்களை யாராவது காதலிக்க வேண்டும் என்ற எண்ணம்
ஏற்படுகிறது. விளைவு அந்த பெண்ணின் பின்னால் சுற்றும் ஊதாரிகள்,பொருக்கிகள்,பொறம்போக்குகள்,கழிசடைகள் அவளது காதலனாகிறான். 13 முதல் 16
வயதில் காதலனுடன் சுற்றும்
நிலை ஏற்படுகிறது.
டி..வி.யில் வரும்
சில நிகழ்ச்சிகளில் உங்கள் காதலர் பெயரை சொல்லுங்க என்பதும் நீங்கள் இன்னும்
காதலிக்க ஆரம்பிக்கலையா?
என்பது போலவும்
உரையாடி,
சிசுகளின் மனதில்
நஞ்சை ஏற்றுகின்றனர். எம்.பி.பொண்ணு, ரவுடியை காதலிப்பது,
பணக்கார பொண்ணு
மெக்கானிக்குடன் ஓடுவது,
வீட்டை விட்டு
ஓடிய காதலர்கள் வாழ்க்கையில் நல்ல நிலைக்கு உயர்வது. போன்ற காட்சிகளை பார்த்து
மாணவிகளின் மனம் அலைபாய ஆரம்பிக்கிறது…
பின்னர் தனது
காதலனுடன் செல்போனிலும் தொலை பேசியிலும் மணிக்கணக்கில் காலணாவுக்கு உபயோகமில்லாத
பேச்சை பேசி அரட்டை அடிப்பது ஒருகட்டத்தில் வீட்டிற்கு தெரிய வந்தால் அவனுடன்
ஓடிவிடுவது இதுதான் தற்போது அதிகம் நடக்கிறது. இதில் நல்ல குடும்பத்து பெண்கள்
விதிவிலக்கு! போலீஸ் நிலையத்திற்கு வாரம் 15 புகார்களும்,
குறைந்த பட்சம் 10 வழக்குகளாவது பதிவு செய்யப்படுகிறது.
இதை
தடுக்க பெற்றோர் தங்கள் பிள்ளைகளின் நடவடிக்கையை தினந்தோறும் கண்காணிக்க வேண்டும்
அடிக்கடி செல்போன் பேச அனுமதிக்க கூடாது. தனியாகவோ, தோழிகளுடனோ அதிகமாக வெளியில் செல்ல அனுமதிக்க
கூடாது. திடீரென புது புது ஆடைகளை அணிவதையும் முகத்தை பியூட்டிபார்லர் சென்று அழகு
படுத்துவதையும் செய்யும் பெண்கள் நிச்சயம் காதல் வலையில் விழுந்திருக்கும் அபாயம்
உண்டு,
பெற்றோர்
உஷாராக இருக்க வேண்டும்.
வயதுக்கு
வந்த பெண்களை டி.வி.யில் காதல் காட்சிகளை பார்க்க
அனுமதிக்காதீர்கள்.
டி.வி. தொடர்களை பார்ப்பதை தவிர்த்தாலும் கூடுதல் நன்மை கிடைக்கும். தனியாக பள்ளி
செல்லும் பெண்ணின் நடவடிக்கையை தயவு செய்து வாரம் ஒரு முறையாவது கண்காணியுங்கள்.
படிப்பில் மட்டுமே கவனம் செலுத்த வேண்டும் என்பதை அடிக்கடி நினைவு படுத்துங்கள்.
காதலனுடன் ஓடி போய் சீரழிந்த பெண்களின் நிலமையை எடுத்துக்கூறுங்கள். அது
அவர்களுக்கு ஒரு வித அச்சத்தை ஏற்படுத்தும்…
இது கல்லூரிக்கு செல்லும் மாணவிகளுக்கும் ரொம்ப பொருந்தும். ஆண்கள் உள்ள வீட்டிலேயே
இந்த நிலை என்றால் பெண்கள் மட்டுமே உள்ள நம் சமுதாய தாய்மார்கள் தீவிர
கண்காணிப்பில் இருந்தால் மட்டுமே இது போன்ற அவலங்களிலிருந்து தங்கள் பெண்
பிள்ளைகளை காத்துக்கொள்ள முடியும்.அதோடு மார்க்க
போதனைகளையும் அடிக்கடி சொல்லி வளர்த்தல் நலம். வருமுன் காத்துக்கொள்வது
நலம். தற்பொழுதுள்ள சூழலில் உலக
கல்வியை நாடி வெளியில் சேர்த்து தினம் தினம் வயிற்றில் நெருப்பை கட்டிக்கொண்டு
அலைவதை விட ஊரில் உள்ள மார்க்க கல்வியில் குறைந்த பட்சம் ஒரு ஆண்டு கோர்சிலாவது
சேர்த்து விரைவில் திருமணம் செய்து கொடுப்பதுதான் சாலச் சிறந்ததாக தெரிகிறது. உலக கல்விக்கு
வீட்டிலிருந்து படிக்க இன்று பல நல்ல பல்கலைகழகங்கள் மற்றும் நல்ல
பாடப்பிரிவுகளும் உள்ளன.
ஆர்வமுள்ளவர்கள் அதில் சேர்ந்து எவ்வளவு வேண்டும் என்றாலும் படிக்களாமே!!!! நம் பெற்றோர்கள்
சிந்திப்பார்களா?
படிக்கும் பிள்ளைகளுக்கு
செல்போன் வேண்டவே,வேண்டவே,வேண்டாம்.
நன்றி: உண்மை செய்திகள்
தகவல் மின்னஞ்சல் மூலமாக ரபி அஹமது
கருத்தான இடுகை.
பதிலளிநீக்குநம் மக்களை இஸ்லாத்தோடு இயைந்த வாழ்வு வாழ ஊக்கப்படுத்துதல் அவசியம். வாழ்க்கைக்கு படிப்பு அவசியமானதுதான் ஆனால் இஸ்லாம் உயிர் போன்றது என்பதை விளங்கச் செய்ய வேண்டும்.