லக்னோ: அயோத்தியில் பிரமாண்டமான ராமர் கோவிலை கட்ட மத்திய அரசு முயற்சி மேற்கொள்ள வேண்டும் என்று ஆர்.எஸ்.எஸ். வலியுறுத்தியுள்ளது.
உத்தரப் பிரதேச மாநிலம், லக்னோவில் ஆர்எஸ்எஸ் அமைப்பின் செயற்குழுக் கூட்டம் கடந்த 3 நாட்களாக நடைபெற்றது.
இந்த கூட்டத்தின் முடிவில் சுரேஷ் பையாஜி ஜோஷி செய்தியாளர்களுக்கு பேட்டி அளித்த போது,
“மூன்று நாட்கள் செயற்குழுவில் ராமர் கோவில் பிரச்சினை பற்றி விவாதித்தோம். அயோத்தியில் ராமர் கோவில் ஏற்கனவே உள்ளது. அங்கு ஆயிரக்கணக்கான மக்கள் தினமும் சென்று வழிபட்டு வருகிறார்கள். பூஜை செய்யப்படுகிறது. அந்த கோவிலை பிரமாண்டமாக மாற்றிக் கட்ட வேண்டும் என்பதுதான் இந்துக்களின் விருப்பம். இந்த பிரச்சினை, சுப்ரீம் கோர்ட்டில் இருக்கிறது.
இது பற்றி பா.ஜனதா தனது தேர்தல் அறிக்கையில் கூறியுள்ளது. எனவே, வாக்குறுதியை நிறைவேற்றும் வகையில், நரேந்திர மோடி அரசு, இப்பிரச்சினையில் உள்ள முட்டுக்கட்டைகளை அகற்றி, ராமர் கோவில் கட்ட நடவடிக்கை எடுக்கும் என்று நம்புகிறோம்.இவ்வாறு அவர் கூறினார்.
இக்கூட்டத்தில் ஆர்எஸ்எஸ் தலைவர் மோகன் பகவத், பொதுச்செயலாளர் சுரேஷ் பையாஜி ஜோஷி, பாஜக தேசிய தலைவர் அமித் ஷா உள்பட பலர் கலந்து கொண்டனர்.
கடந்த 1992 ஆம் ஆண்டு பாபர் மசூதியை இடித்து நாடெங்கும் பெரும் வகுப்புக் கலவரம் மூண்டதும், பல்லாயிரக்கணக்கான உயிர்கள் பலியானதும், பல கோடி மதிப்புள்ள சொத்துகள் அழிந்ததும் நினைவிருக்கலாம். இந்நிலையில், ஆர்.எஸ்.எஸ். ராமர் கோவில் விவகாரத்தை மீண்டும் கிளப்பியுள்ளமை குறிப்பிடத்தக்கது.
நன்றி தூது ஆன்லைன்
கருத்துகள் இல்லை:
கருத்துரையிடுக