செவ்வாய்க்கிரகத்தை ஆராய இந்தியா அனுப்பிய மங்கள்யான் திட்டம் பற்றி அமெரிக்காவின் நியுயார்க் டைம்ஸ் பத்திரிகை வெளியிட்ட கேலிச்சித்திரம் வாசகர்களிடமிருந்து வந்த புகார்கள் எழுந்ததை தொடர்ந்து, அப்பத்திரிகை மன்னிப்பு கோரியிருக்கிறது.
'பணக்கார நாடுகளின் விண்வெளிக் குழு' என்று குறியிடப்பட்ட அறை ஒன்றின் வாசல் கதவருகே ஒரு விவசாயி பசுமாட்டுடன் வந்து கதவைத் தட்டுவதுப் போல இந்தியாவை மோசமாக சித்தரிக்கும் ஒரு கேலிச் சித்திரத்தை நியூயார்க் டைம்ஸ் பத்திரிகை வெளியிட்டிருந்தது. இதற்கு எதிர்ப்பு எழுந்தது.
இந்நிலையில், பேஸ்புக் பதிவொன்றின் மூலம் எழுதிய நியு யார்க் டைம்ஸ் பத்திரிகையின் ஆசிரியர் ஆண்ட்ரூ ரோசெந்தால், இந்தக் கார்ட்டூன் விண்வெளி ஆராய்ச்சி என்பது எப்படி பணக்கார மேலை நாடுகளின் பிரத்தியேக வெளியாக இனி இல்லை என்பதைக் காட்டவே வரையப்பட்டது என்று கூறி, இந்தக் கார்ட்டூனால் புண்பட்டிருக்கும் வாசகர்களிடம் மன்னிப்பைக் கோரினார்.
இந்தியாவின் இந்த மங்கள்யான் திட்டம் 74 மிலியன் டாலர்கள் செலவில் நிறைவேற்றப்பட்டது. இதுவரை அனுப்பப்பட்ட வேற்றுக் கிரக விண்வெளி திட்டங்களில் இதுவே மிகவும் குறைந்த செலவு பிடித்த திட்டமாகும். கடந்த மாதம் இந்த மங்கள்யான் செயற்கைக் கோள் செவ்வாயின் சுற்றுப் பாதையில் நுழைந்தது.
நன்றி நியூஇந்தியா
கருத்துகள் இல்லை:
கருத்துரையிடுக