லப்பைகுடிக்காடு பகுதியில் கள்ளத்தனமாக மது விற்பனை செய்த 2 பேர் கைது!

லப்பைகுடிக்காடு பகுதியில் கள்ளத்தனமாக மது விற்பனை செய்த 2 பேர் கைது!

பெரம்பலூர் அருகே பறக்கும் படை தாசில்தார் நடத்திய அதிரடி சோதனையில், கள்ளத்தனமாக சாலையோரம் மதுபானம் விற்ற 2 பேர் கையும், களவுமாகப் பிடிபட்டனர். இதையடுத்து, அவர்களை கைது செய்த போலீசார், அவர்களிடம் இருந்த 46 மது பாட்டில்களை பறிமுதல் செய்தனர்.
பெரம்பலூர் மாவட்டம், வேப்பூர் ஒன்றியத்துக்கு உட்பட்ட லெப்பைகுடிக்காடு பகுதியில் தாசில்தார் கஜேந்திரன் தலைமையில் பறக்கும் படையினர் நேற்று அதிரடி சோதனையில் ஈடுபட்டனர். அப்போது, அப்பகுதியில் உள்ள சாலையோரம் அதே பகுதியைச் சேர்ந்த செல்வம் (33), சுப்பிரமணியன் (35) ஆகியோர் கள்ளத்தனமாக மது பாட்டில்களை விற்பனை செய்தது தாசில்தார் நடத்திய அதிரடி சோதனையில் தெரிய வந்தது. இதையடுத்து, அவர்களை கையும், களவுமாகப் பிடித்த போலீசார், அவர்களிடம் இருந்த 3 பீர் பாட்டில்கள், 43 பிராந்தி பாட்டில்கள் ஆகியவற்றை பறிமுதல் செய்து தேர்தல் ஆணைய உத்தரவின் பேரில் டாஸ்மாக் கிட்டங்கிக்கு கொண்டு சென்று ஒப்படைத்தனர்.