காவல்துறையில் இளநிலை அறிக்கையாளர் பணி பரிந்துரையை சரிபார்க்க அழைப்பு 8ம்தேதி கடைசி நாள்

பெரம்பலூர்,: காவல்துறையில் காலியாக உள்ள இளநிலை அறிக்கையாளர் பணியிடத்திற்கு பரிந்துரையை சரிபார்க்க அழைப்பு விடுக்கப்பட்டுள்ளது. இதற்கு கடைசி நாள் வரும் 8ம்தேதியாகும்.
தமிழ்நாடு அரசு காவல்துறை துணைத்தலைவர் சி.ஐ.டி சிறப்பு பிரிவு துறையில் இளநிலை அறிக்கையாளர் (ஜீனியர் ரிப்போட்டர்) காலிப்பணியிடங்கள் பூர்த்தி செய்யப்பட உள்ளன. இதற்கு கல்வித்தகுதி பிளஸ் 2 வகுப்பு தேர்ச்சியுடன் ஸ்டெனோ கிராபர் ஆங்கிலம் சுருக்கெழுத்து

முதுநிலை கிரேடு தேர்ச்சி பெற்றிருக்க வேண்டும் 01.07.2012ம் தேதியன்று குறைந்த பட்ச வயதுவரம்பு 18 வயதுக்குள்ளும் (அனைத்து பிரிவினருக்கும்) அதிகபட்ச வயது வரம்பு எஸ்சி, எஸ்சிஏ, எஸ்சிஓ வகுப்பினர் 35 வயதும், எம்பிசி, பிசிஎம், பிசி வகுப்பினர்32 வயதும், ஜிடி 30க்குள்ளும் இருக்க வேண்டும்.
தகுதியுடைய ஆண் பதிவுதாரர்கள் மட்டும் வரும் 8ம்தேதிக்குள் வேலைவாய்ப்பு அடையாள அட்டை மற்றும் அசல் கல்விச்சான்றிதழ்களுடன் பெரம்பலூர் மாவட்ட வேலைவாய்ப்பு அலுவலகத்திற்கு நேரில் சென்று பதிவினை சரிபார்த்துக் கொள்ளலாம்.
இத்தகவலை கலெக்டர் தரேஸ் அகமது தெரிவித்துள்ளார்.

Thanks:Dinakaran