நூல் முடி அஜரத் தேவை.

பிஸ்மில்லாஹிர்ரஹ்மானிர்ரஹீம்.

     

நபி (ஸல்) அவர்கள் கூறினார்கள்.  யார் தாயத்தை தொங்க விடுகின்றாரோ, அவர் அல்லாஹுவுக்குஇணை கற்பித்து விட்டார்கள். அறிவிப்பவர் : உக்பா பின் ஆமிர் (ரழி). நூல்  அஹ்மத்-16781.

        நபி (ஸல்) அவர்கள் கூறினார்கள். யார் தாயத்தை தொங்க விடுகின்றாரோ, அவருடைய காரியத்தைஅல்லாஹ் பூர்த்தியாக்க மாட்டான். யார் சிப்பியை தொங்க விடுகின்றாரோ அல்லாஹ் அவருடைய காரியத்தைநிறை வேற்றமாட்டான். அறிவிப்பவர் : உக்பா பின் ஆமிர் (ரழி). நூல்  அஹ்மத்-16763.

         வணக்கத்திற்குறியவன் நாயன் அல்லாஹுவைத் தவிர வேறு யாருமில்லை என்று ஈமான்கொண்டு, சாட்சியும் அளித்துள்ள நாம், அல்லாஹுவுக்கு பயந்தவர்களாக அல்லாஹுவின் மீதுமட்டும் நம்பிக்கை கொண்டு வாழ்வு நடத்த உறுதியோடு இருப்போமாக.

        அன்பு விசுவாசிகளே! நமதூரில் நடந்த ஒரு சம்பவத்தை இங்கு பதிவு செய்கின்றேன். முழுமையாகவிசாரித்த பின் நான் அறிந்த உண்மை சம்பவத்தை நமதூர் விசுவாசிகளான உங்கள் பார்வைக்கு விடுகின்றேன்.

        லெப்பைக்குடிகாடு கிழக்கு மஹல்ல நிர்வாக கட்டுப்பாட்டில் வாரம் தவறாமல் வெள்ளிக்கிழமை பிற்பகல்பொழுதில், பெண்களுக்கான மார்க்க பயான் தொடர்ந்து பல ஆண்டுகளாக நடந்து வருவது நாமெல்லாரும்அறிந்ததே. நடைபெறும் பயான்களில் 30-40 பெண்கள் எப்போதும் கலந்து பயனடைந்து வருகின்றார்கள். உள்ளூர்ஆலிம்கள், வெளியூர் ஆலிம்கள் இன்னும் பெண் ஆலிமாக்கள் இவர்களை வரவழைத்து, நமது வீட்டுப்பெண்களை மார்க்கத்தின் பால் சிந்திக்க வைக்க மஹல்ல நிர்வாகம் எடுக்கும் முயற்சியை பொதுமக்களாகியநாம் பாராட்டக் கடமைபட்டுள்ளோம். 

        இரண்டு வாரத்திற்கு முன் வெளியூர் (ஆண்) ஆலிம் ஒருவர் வந்து பயான் செய்துள்ளார்.

        அவரது பயானில் தாயத்து கட்டிக்கொள்வது தவறில்லை என்றும், அதை பிறர் கானும்படித்தான்தொங்கவிடக்கூடாது என்றும், கட்டிய தாயத்தை மறைத்து இடுப்பில் வைத்துக் கொள்ளனும் என்றும்உபதேசித்திருக்கின்றார். இந்த கருத்தை அவர் சொல்லும் வேலையில், பார்வையாளர்களின் சலசலப்பைஅமைதிபடுத்தி  விளாவாரியாக சொந்த விளக்கத்துடன், யாதொரு ஹதீஸையும் ஆதாரம் காட்டாமல், தாயத்துகட்டிக்கொள்வது ஷைத்தானிடமிருந்து பாதுகாத்து கொள்ள இதுவே சிறப்பானது என்று கூறி நமதூர் பெண்களின்மனதில் பாவமான காரியத்தை பதியும்படி பயான் செய்துள்ளார்.

        பயானுக்கு வந்திருந்த ஓர் இளைய குடுப்பத் தலைவி, மேலே சொன்ன விஷயத்தை மறுக்கும் எண்ணத்துடன், தாயத்து பற்றி தான் அறிந்த நபிமொழியை ஆலிம் பெருந்தகையுடன் சொல்லி விளக்கம் கேட்டிருக்கின்றார். தாயத்தை மக்களிடம் மறைத்துக் கொண்டால், அல்லாஹ்விடம் மறைப்பது எப்படி? என்றும் கேட்டார். ஆலீமுக்கு வந்ததே கோபம். தான் சொன்னதை மறுக்கும் அளவுக்கு ஆச்சா!, பயான் சொல்லுவதை கேட்கத்தான் பெண்களை அழைத்ததே தவிர, இங்கு பயான் பன்ன தாய்மார்களை அழைக்கலை, என்று ஆலீம் உரக்க கடிந்தார். (கத்தினார்).

        இதைக் கண்ட நிகழ்சியின் பொறுப்பு தாரியான பெண்மணி ஒருபடி மேலே எகிரி, ஆலிமுடன் விளக்கம் கேட்ட இளைய குடுப்பத் தலைவியை நோக பேசியதோடு இல்லாமல், வருகை தந்திருக்கும் ஆலிமை புகழ்ந்து,அவர் மெத்த படித்தவர், மேதை, வயதில் மூத்தவர் . . . என்று கூறி சபைக்கு வந்திருந்த அனைவரையும் பெரியவர்கள் சொல் கேட்டு நடப்பது மட்டுமே மூமீன் பெண்ணின் அடையாளம் என்று உபதேசித்தார்.

    

        எனது பதிவு இத்துடன் முடிந்து விட்டது. இருப்பினும் வாய்ப்பை பயன் படுத்தி எனது கருத்தையும்எழுதுகின்றேன். சிறப்பாக ஓடிக்கொண்டிருந்த தாயத்து வியாபாரம், ஒரு சம்பவத்திற்குப் பின் உள்ளூரில்தொய்வான நிலையில் இருப்பது அறியமுடிகிறது. விட்டுபோன வியாபரத்தை மீட்டெடுக்க வந்தவர் போல இந்தஆலிம் வந்தது போல் தென்படுகிறது. இக்கருத்தை மஹல்ல நிர்வாகியுடன் கலந்து பேசும் போது, நமதூர்பெண்கள் ஊர் ஊராக போய் இப்படி தாயத்துக்கு அலைகின்றார்கள். அவர்களின் அலைச்சலை முடக்க உள்ளுரில்நூல்முடி அஜரத் அவசியம் என்று கவலை தெரிவித்தார்.

        அன்புள்ளம் கொண்ட விசுவாசிகளே! இக்கட்டுரையை படித்துவிட்டு, இக்கட்டுரையை விமரிசனம் செய்துஎழுதுங்கள். மக்களுக்கு நல்ல பல விஷயத்துடன் எழுதுங்கள். நல்லவைகளைச் சொல்லி தீயவைகளைதடுக்கமுயலும் உங்களுக்கு அல்லாஹ் நற்கூலி நல்குவான்.

இவண்   அபூஹஸன்.