தன்மாணம் காப்போம் நூல் முடி அஜரத் நமது விளக்கம்

நாம் நூல் முடி அஜரத் தேவை என்ற கட்டுரைக்கு விளக்கம் கேட்டு அபு ஹசனுக்கு கடிதம் எழுதி இருந்தோம் அவர் நமது இனையத்திற்கு எழுதிய கடிதம்.

பிஸ்மில்லாஹிர்ரஹ்மானிர்ரஹீம்.

வாசகர் அனைவருக்கும், அஸ்ஸலாமு அலைக்கும்.

நூல் முடி அஜரத் தேவை.

       நபி (ஸல்) அவர்கள் கூறினார்கள். யார் தாயத்தை தொங்க விடுகின்றாரோ, அவர் அல்லாஹுவுக்கு இணை கற்பித்து விட்டார்கள். அறிவிப்பவர் : உக்பா பின் ஆமிர் (ரழி). நூல் அஹ்மத்-16781.

       நபி (ஸல்) அவர்கள் கூறினார்கள். யார் தாயத்தை தொங்க விடுகின்றாரோ, அவருடைய காரியத்தை அல்லாஹ் பூர்த்தியாக்க மாட்டான். யார் சிப்பியை தொங்க விடுகின்றாரோ அல்லாஹ் அவருடைய காரியத்தை நிறை வேற்றமாட்டான். அறிவிப்பவர் : உக்பா பின் ஆமிர் (ரழி). நூல் அஹ்மத்-16763.

        வணக்கத்திற்குறியவன் நாயன் அல்லாஹுவைத் தவிர வேறு யாருமில்லை என்று ஈமான் கொண்டு,சாட்சியும் அளித்துள்ள நாம், அல்லாஹுவுக்கு பயந்தவர்களாக அல்லாஹுவின் மீது மட்டும் நம்பிக்கை கொண்டு வாழ்வு நடத்த உறுதியோடு இருப்போமாக.

       என்று தொடங்கும் இக்கட்டுரையின் சொந்தக்காரன் இதோ அபூ ஹசன். இதை எழுதும் போது, ஒர் முஸ்லீமாக இருந்து எழுதியுள்ளோனே தவிர, யாதொரு இயக்கத்தின் வால் பிடித்து எழுதவில்லை.

அல்லாஹுவின் மார்க்கத்திலிருக்கும் நாம், நமது மார்க்கத்தை தவறுதலாக போதிப்பவர்களையும், அதை விளங்கிக் கொள்பவர்களையும் கண்டு, அவர்களுக்கு உபதேசிக்க எண்ணம் கொண்டு கட்டுரையை எழுதியுள்ளேன். கட்டுரையில் வரும் சம்பவம் அனைத்தும் உண்மை.

       கட்டுரையில் சுட்டிக்காட்டும் செய்தி தாயத்து கட்டுவது பற்றியது. சுட்டிக்காட்டப்படும் செய்தியை ஆய்வு செய்து, வாழ்க்கைக்கு உகந்ததாக ஒவ்வொரு வரும் தம் வாழ்வில் ஆக்கிக் கொள்ளனும் என்பதுதான் எமது நோக்கம். எமது பிரச்சாரம் பெரிதாக ஆக்கித்தந்த அல்லாஹ்வின் மகிமை உணருகின்றேன்.. 

       கட்டுரையில் முக்கிய அங்கம் வகிப்பவர்கள் ஆலிம், வெள்ளிக்கிழமை பயான் வகுப்பின் பெண் பொறுப்பாளி, ஆலீமிடம் கேள்வியை கேட்டவர். அதாவது இரண்டு உள்ளூர் பெண்கள். ஒரு ஆலிம். ஆக, பங்களிப்பவர்கள் மூன்று பேர். பயானுக்கு வந்தவர்கள் சுமார் 40 பேரில் எனது உறவுக்காரர்கள் 6 பேர்.

       இப்போது நான்கு நபர்களை அடையாளம் காட்டியுள்ளேன். இவர்களை நேரில் சென்று விசாரிக்கையில் உண்மைகள் அனைத்தும் தெரிந்துவிடும். இந்த நால்வரும் அந்தரங்கத்தில் சம்பவத்தை ஒத்துக் கொள்ளும்போது,அப்பறம் எதற்காக இந்த லெப்பைக்குடிகாடு நகர ஜமாதுல் உலமா தலைவர் கணம் கணம் ஹஜரத் அமானுல்லாஹ் அவர்கள் மறுக்கின்றார். மேலும், எனது உறவுக்காரர்கள் 6 பேர் சாட்சியமாக இருக்கின்றார்கள்.

       ஒரு பெரிய ஜும்மா பள்ளிவாசலில் இமாமான இவர், நிகழ்ச்சியின் உண்மையை, மறைக்கப் பாடுபட வேண்டியதன் நோக்கமென்ன?  தாயத்து விலை மார்க்கட்டுக்கு துணை போகவா? இவர் யாருக்கு முட்டு கொடுக்கின்றார் என்று சொல்லுங்கள். தாயத்துக்கா, உலமாவுக்கா, மார்கத்துக்கா?

       லெப்பைக்குடிகாடு நியூஸ் ஆசிரியர் வாயிலாக மேன்மை தாங்கிய மவுளவி ஹஜ்ரத் கணம் கணம் அமானுல்லாஹ் அவர்களுக்கு தெரிவிப்பது. சம்பவம் நடக்கவில்லை என்று இனையதளம் மூலமாகவும், பிரசுரம் மூலமாகவும் உண்மையை மறைக்க (பொய் சொல்ல) நீங்கள் எடுக்கும் முயற்சி, விஷயத்தை பெரிது படுத்திவிட்டது. நெட்டில் மட்டும் அறிய வந்துள்ளதை விளம்பரப் படுத்தி தெரு மக்களுக்கும் காட்டிய உங்கள் முயற்சிக்கு நன்றியையும், அல்லாஹுவின் ஆற்றலை அல்ஹம்துலில்லாஹ் என்றும் கூறி மகிழ்கின்றேன். இருப்பினும், உங்கள் பின்னால் நின்று தொழபவர்களை கவலையோடு சிந்தியுங்கள். பின் தொடர்ந்து தொழுபவர்களின் தொழுகைகளை அல்லாஹ்விடம் கொண்டு செல்ல உதவியாக இருங்கள். நன்நம்பிக்கை யாளர்கள் மட்டும் தொழவைக்க தகுதியுடையவர்கள்.

       நேரில் வந்து நிரூபிக்க தயாரா? ஹஜரத்தின் கூவல்.

       நடு ரோட்டிலே கொலை (மார்க்கக் கொலை) நடக்குது, ஊர் மக்கள் எல்லாரும் பார்க்கின்றார்கள். ஆனால் போலீசில் சாட்சிக்கு கூப்பிட்டா ஒருத்தரையும் காணோம். இதே நிலையில் தான் இதுவும் இருக்கும் என்று தலைவா யூகித்து விடாதே.

       மார்க்க விசயமாக இருப்பதாலும், பெண்கள் சம்பந்தப்பட்டிருப்பதாலும், நிதானம் காட்டுகின்றேன். தடயங்கள் எம்மிடம் இருக்கிறது. சாட்சியும் இருக்கிறது. எமது நோக்கம் தாயத்து தடை பற்றிய  போதனை. அது மக்களிடம் சென்றடைந்து விட்டது.

       இக்கட்டுரைக்குப்பின், ஆலிம்களிடமிருந்து மக்கள் எதிபார்ப்பது, தாயத்தை கட்டிக் கொள்ளலாமா, தூர எறியலாமா.? என்பதே. அதை மிஞ்சியுள்ளோர்களும் அறிய ஆலிம்கள் உதவுங்கள்.

       ஹஜரத் அவர்களே, கட்டுரையின் முகப்பில் இரண்டு ஹதீஸுகள் வந்துள்ளது. இந்த இரண்டும் சரியானதா இல்லையா என்பதை மட்டும் எழுதிவிட்டு இதன் தீர்ப்பை அல்லாஹுவிடம் விட்டுவிடுகின்றேன்.

99:7 فَمَن يَعْمَلْ مِثْقَالَ ذَرَّةٍ خَيْرًا يَرَهُ

99:7. எனவே, எவர் ஓர் அணுவளவு நன்மை செய்திருந்தாலும் அத(ற்குரிய பல)னை அவர் கண்டு கொள்வார்.

99:8 وَمَن يَعْمَلْ مِثْقَالَ ذَرَّةٍ شَرًّا يَرَهُ

99:8. அன்றியும், எவன் ஓர் அனுவளவு தீமை செய்திருந்தாலும், அ(தற்குரிய பல)னையும் அவன் கண்டு கொள்வான்.

அன்பான வேண்டுகோள்:- இந்த தருனத்தை பயன் படுத்தி தாயத்தை தடை செய்வோம் என ஒரு மாபெறும் மார்க்க சொற்பொழிவு லெப்பைக்குடிகாடு ஜமாதுல் உலமா சபை தலைவர் ஏற்பாடு செய்தால், அனைத்து நமதூர் பெண்கள், விளக்கமாக அறிந்து, பயனடைவார்கள். ஷிர்கிலிருந்தும் விடுபடுவார்கள். அதன் கூலியை உலமா சபை அல்லாஹுவிடத்தில் பெறுவர்.   

---அபூஹசன்.

______________________________________________________________________________

அன்புள்ள நமதூர் மக்களுக்கு 

கடந்த 5 நாட்களாக நமதூர் மக்கள் மத்தியில் நமது இனைய தளத்தில் மேல் உண்மைக்கு புறம்பாக நடத்துகிறோம் என்று சிலர் குற்றம் சுமத்தியுள்ளனர். அதனை நாங்கள் நிரூபிப்பதா அல்லது குற்றத்தை ஒப்புக்கொள்வதா என்ற தருவாயில் இருக்கிறோம்.

குற்றம் சாட்டப்பட்டவர் என்ற முறையில் நாங்கள் அன்று பயானுக்கு சென்ற பலரிம் விசாரித்ததில் அப்படி ஒரு சம்பவம் நடந்ததாக தெரியவில்லை என்று கூறுகிறார்கள். ஆனால் ஒரு பெண் மட்டும் அதற்கு மாற்றமாக கூறுகிறார். சாட்சிக்கு வரும் நிலையிலும் அவர் இல்லை! எனவே ஒருவர் மீது குற்றம் சுமத்தி அதை நிருபிக்க முடியாத பட்சத்தில், குற்றம் கூறியவர் மீது தான் குற்றமாகும் என்று எங்கள் முன்னோர்கள் இஸ்லாம் கூறியதை வழியுருத்தினார்கள். அதன் வரிசையில் வந்த நாங்கள் குற்றவாளிகளாக நிருபனமாகிறோம். நாங்கள் கூறிய இந்த குற்றச்சாட்டின் மூலம் யாராவது பாதித்திருந்தால் மறுமையின் அச்சத்தோடும், உள்ளத்தூய்மையோடும் மனதார மன்னிப்பை கேட்டுக்கொள்கிறோம். அல்லாஹ்விற்காக எங்களை பொருந்திக் கொள்ளுங்கள்.

குற்றம் செய்தவர்கள் யார் என்று அவர்களுக்கே தெரியும் இதன் பொருப்பை இறைவனிடம் ஒப்படைத்து விடுகிறோம்.

இதன் மூலம் கிழக்கு பள்ளி இமாமும், அபு ஹசனும் மக்களுக்கு செய்த நன்மை ”தாயத்து கட்டுவது இஸ்லாத்தில் ஆகுமானதா? தடைசெய்யப்பட்டதா?” என்ற மக்கள் மனதில் எழும் கேள்விதான். இதனை தெளிவு படுத்தும் கட்டாயத்தில் ஆலிம்களும் இமாம்களும் உள்ளனர்.

உலகில் வாழ்ந்து சென்ற பல சாதனையாளர்கள் பல்வேறு அவமானங்கள் இழிவுகள் சோதனைகளுக்குப் பிறகே வரலாற்று ஏடுகளை ஆக்கிறமித்திருக்கிறார்கள்.

இப்படிப்பட்ட வெற்றியாலர்களின் உதாரணங்கள் ஆடு மேய்க்கக் கூட தகுதியில்லாத நீயெல்லாம் என்ன சாதிக்க போகிறாய்? என்று வசைமொழி வாங்கிய கலிபா உமர் ரலி அவர்களில் ஆரம்பித்து, நீக்ரோ கருப்பினத்தை சார்ந்தவன் என தனது சமூகத்தால் தாழ்வாக கருதப்பட்ட மால்கம் எக்ஸ் வரை முன்னோடிகளின் வாழ்வு தொடர்கிறது!

இவர்கள் எல்லாம் சோதனைகளைக் கண்டு ஒதுங்கிப் போய் இருந்தால் உலகில் வாழ்ந்த, வாழ்ந்துக் கொண்டிருக்கிற, இனியும் வாழப்போகிற எந்த சமூகங்களுக்கும் சீர்திருத்தம் என்பது சாத்தியமில்லாமலே போயிருக்கும். இது அனைத்து ஜமாத்துக்களுக்கும் இயக்கங்களுக்கும் பொருந்தும்.

இந்த இணையத்தளம் இதுநாள் வரை யாருக்கும் சாதகமாகவோ! அல்லது பாதகமாகவோ! செயல் பட்டது இல்லை பொதுவாக யார் மேலும்  எந்த ஒரு குரோதம், பழி தீர்க்கும் என்னமோ இதில் இருக்காது என்ற எண்ணத்தில் அடிப்படையில் தான் இதனை தோற்றுவிக்கப் பட்டது.

ஏன் மாற்றுமத சகோதரர்களுக்கு கூட இஸ்லாமிய அழைப்பு பணியை எங்கள் அறிவுக்கு எட்டியவண்ணம் கொடுத்துள்ளோம்! மாறாக மார்கத்திற்கு பங்கம் விளைவிக்கும் வண்ணம் யார் நடந்தாலும் (அது இஸ்லாமிய எதிரிகலாகட்டும், இஸ்லாமிய போர்வையில் இருந்துக்கொண்டு மக்களை வழிகெடுக்கு ஆசாமியாகட்டும்) அவர்களுக்கு எதிராகத்தான் இறைவன் மேல் முழு நம்பிக்கை வைத்து பயணித்து வந்தோம். பயணித்து வருகிறோம், இனியும் பயணிப்போம் இன்ஷா அல்லாஹ்.......

 நமது ஆசிரியர் குழுமம்.