கல்யாண மண்(ட்)டப பிரச்சணை?!!!

நமதூர் மண்டப பிரச்சணை தீர்வு என்ன ஓர் அலசல் நேரடி ரிப்போர்ட்

ஊரின் மக்களின் மன உணர்விற்கோ, துபாயில் உள்ள தீன் இயக்கம் மற்றும் மக்களின் எதிர்பிற்கோ எப்பொழுதும் செவி சாய்க்கக் கூடாது என்ற கொள்கையில் நமது மேற்கு ஜமாத்தில் உள்ள ஒரு சில நிர்வாகிகள் உடும்பு பிடியாக உள்ளனர். இவர்களுக்கு ஊரை பற்றியெல்லாம் கவலை இல்லை.

மேற்கு ஜமாத்தில் உள்ள ஒரு சிலர் நடாத்தி கொண்டு இருக்கும் கல்வி

நிருவனம் தான் காரணம் என இப்போது ரகசியம் கசிய ஆரம்பித்துள்ளது. (குறிப்பு பள்ளி கூடத்தை அப்புறப்படுத்தி விட்டு அந்த இடத்தில் கல்யாண மண்டபம் கட்ட வேண்டும் என்பது எங்களுடைய கொள்கை இல்லை.)

ஏனெனில் மேற்கு ஜமாத்தால் கட்டப்பட்டு வரும் கல்யாண மண்டபமும் அதை சார்ந்து நடந்து வரும் பிரச்சனைகளும் இப்போது நம்மை கவலை அளிக்கிறது. இதை கூட கடந்த துபாயில் நடைபெற்ற தீன் இயக்கம் காரிய கமிட்டி கூட்டத்தில் அந்த இடத்தில் (குளம் அருகில்) மண்டபம் கட்ட வேண்டாம் என தீர்மானம் நிறைவேற்றப்பட்டுள்ளது.

அதற்கு மாற்று இடமாக மேற்கு தெக்கா பள்ளிவாசல் அருகில் உள்ள பள்ளி கூடம் அமைந்துள்ள இடத்தில் மண்டபம் கட்டலாம் என்றும் அதற்கான வரைபடத்தையும் தீன் இயக்கம் சார்பாக மேற்கு ஜமாத் நிர்வாகத்திடம் கொடுக்கப்பட்டுள்ளது. ஆனால் இது சம்மந்தமாக மேற்கு ஜமாத் நிர்வாகிகளிடமிருந்து எந்த ஒரு முடிவும் இது வரைக்கும் செல்லப்பட வில்லை என்று கூறப்படுகிறது.

தற்போது குளத்து அருகில் கட்டப்படும் மண்டபம் வேறு சில காரணங்களால் தற்காலியமாக நிறுத்தி வைக்கப்பட்டுள்ளது.

இவ்வளவு அவசர அவசர மாக கல்யாண மண்டபம் கட்ட அவசியம் என்ன ? தற்போது உள்ள நிர்வாகிகளில் பதவி காலம் வரும் பிப்ரவரி 2014 உடன் முடிவடைகிறது. இது போன்ற சில கேள்விகள் ஜமாத்தில் உள்ள சில நிர்வாகிகள் மேல் நமக்கு சந்தேகம் ஏற்பட காரணமாக அமைகிறது.

இவர்களை போன்றவர்களால் அனைத்து நிர்வாகிகளுக்கும் கெட்ட பெயர் ஏற்பட்டுவிடுமோ என்று உங்கள் மனசாட்சி உங்களுக்குள் முனுமுனுக்கிறது உங்கள் இதயத்திற்கு கேட்கவில்லையா தா?

கடந்த கால வரலாற்றை படிக்க மறந்ததினால் இது போன்ற சம்பவங்கள் தொடர்ந்து தான் இருக்கும். அதிகாரம் இருப்பதால் எதுனென்றாலும் செய்து விடலாம் என்று நினைத்து கொண்டு இருக்கிறார்களா ?

வரலாற்றில் இருந்து ஒரு சம்பவம்

தனி மனிதனோ அல்லது ஒர் சமுதாயமோ நம்பிக்கையோடு முன்னேறிச் செல்வதற்கு உதவி செய்வது மிக அவசியமாகும். இஸ்லாத்தின் ஆரம்ப காலத்தில் இஸ்லாம் வளர நபித்தோழர்கள் செய்த தியாகங்களும் உதவிகளும் ஈடு இணையற்றது.

ஒரு சமயம் பெருமானார் (ஸல்) அவர்கள் உமர் (ரலி) அவர்களை அழைத்து உமரே! இஸ்லாத்திற்காக நீர் என்ன உதவுகிறீர் ? என்று கேட்ட போது, நாயகமே ! என்னுடைய சொத்தில் பாதியை .இஸ்லாத்திற்காக விட்டுத்தருகிறேன் என்றார்கள். பிறகு உஸ்மான் (ரலி) அவர்களை அழைத்து, உஸ்மானே ! இஸ்லாத்திற்காக நீர் என்ன செய்கிறீர் ? என்று கேட்டபோது நாயகமே ! என்னுடைய சொத்தில் முக்கால் (நான்கில் மூன்று பகுதி) யை தருகிறேன் என்றார்கள்.

எல்லாவற்றையும் வாரி வழங்கிய அபூபக்கர்(ரலி)டம், அபூபக்கரே ! வீட்டில் என்ன விட்டு வந்திருக்கிறீர் என்று நபி (ஸல்) அவர்கள் கேட்ட போது, நாயகமே ! அல்லாஹ்வையும் ரஸூலையும் தவிர வேறொன்றையும் விட்டுவரவில்லை என்றார்கள்.

இதைப்போல, இன்றைய சூழலில் யாரும் முன்வந்து செய்ய முடியாத சூழ்நிலை இருந்தாலும், எத்தனையோ நல்ல விஷயங்களுக்குப் பின்னால் தன்னை வெளிக்காட்டிக் கொள்ளாமல் தாராள மனம் கொண்டவர்களாக உதவி செய்கிறார்கள்.

நாம் நமது இலக்குகளை கனவுகளோடும், விருப்பங்களோடும் கொண்டு செல்ல வேண்டும். எல்லோருமே வெற்றிக்கு ஆசைப்படுபவர்தான். ஆனால் அந்த ஆசைகளை கீழ்வரும் 5 துடன் தொடர்புபடுத்திக் கொண்டால் நிச்சயமாக நாமும் நமது ஊரும் சுபச்சமாக அமையும். இன்ஷா அல்லாஹ்....

1. 1.       வழிகாட்டுதல் ( Direction)
2. 2.       அர்ப்பணிப்பு (Dedication)
3. 3.       மனஉறுதி (Determination)
4. 4.       கட்டுப்பாடு (Dicipline)
5. 5.       கெடு (காலநேரம்) (Dead Lines)

பெருமானார் (ஸல்) அவர்களிடம் இந்த 5 தும் இருந்ததால் தான் மிகப்பெரும் வரலாறு பொன் எழுதுக்களால் பதிக்க முடிந்தது, என்பதை நாம் அறிவோம்.

தன் சமூகத்தின் பிரமுகர்களோடு ஸாலிஹ் (அலை) இறுதியாகச் சொன்ன வார்த்தைகளை இங்கே சொல்வது பொருத்தமாக இருக்கும்.

“ உங்களிடம் நான் உண்மைகளை உபதேசித்தேன். ஆனால் நல்ல குணமுடையவர்களை நேசிக்க முடியாத நஷ்டவாளிகளாகி விட்டீர்கள்“.

எனவே இது போன்ற நிகழ்வுகளை முற்படுத்தி நிர்வாகஸ்தர்கள் மற்றும் ஜமாத்தார்கள் ஊர் பொதுமக்களுடன் கலந்து ஆலோசித்து தீர்க்க முடிவு எடுக்க வேண்டும் என்பதுதான் கடல் கடந்து வாழும் நமதூர் மக்களின் ஆவா?

இறுதியாக.... வானத்து நட்சத்திரம் கைக்கு வரும் என்று நம்பி மாடப்புறாவை பலியிட்டு விடாதீர்கள்.

நமது நிருபர்