பிடிவாதமா அல்லது பிரிவிணை வாதமா?

அன்பாளன் அருளாளன் அல்லாஹ்வின் திருப்பெயரால்....

நமதூருக்கென பல சிறப்புகள் உண்டு. வேற்றுமையில் ஒற்றுமை காணும் ஊர் என்பது அந்த சிறப்புக்களுக்கு மகுடமாக அமையும் என்றால் அது மிகையல்ல. சுற்றுபுரத்தில் இருந்து நமதூருக்கு வரும் மக்கள் ,நாம் எண்ணிக்கையில் மிகைத்திருந்தாலும்
அனைத்து சமுக மக்களையும் அரவனைத்து வாழ்வதை நமதூர்ல்லாத வேறு எங்கும் காண்பது அரிதே! நமதூர் அருமை பெருமைகளை பற்றி இவ்வாறெல்லாம் மார்தட்டி சொல்லித் திரியும் அதே வேளை....

கடந்த சில நாட்களாகவே நமதூரில் நடைபெறும் நிகழ்வுகள் இந்த சிறப்பினை சீர்குலைக்கும் வகையில் நிகழ்ந்து வருகின்றன. நமதூர் மேற்கு ஜமாத் பகுதியில் உள்ள குளம் அருகில் ஒரு கல்யாண மண்டபம் கட்ட மேற்கு ஜமாத்தால் முடிவெடுக்கப்பட்டு வேலை நடைபெற்றன.( துபாயில் உள்ள தீன் இயக்கம் இதற்கு எதிப்பு தெரிவித்தன என்பது வேறு விசயம்) ஒரு ஜமாத்தின் அன்றாட செயல்பாடுகளை ஸ்தம்பிக்கச் செய்யும் அளவுக்கு இன்னும் ஒரு படி மேலேபோய் நிரந்தர எதிரியாக வித்திட்டிருப்பது வியப்பிற்குரியதே!

ஜிப்பா தரித்து மதரஸாக்களுக்கு செல்லும் சிறார்கள் அன்றாடம் கண்ணியத்திற்கு உரிய இமாம்கள் கற்றுக்கொடுத்த கலிமா இன்னமும் படித்தவர்கள் நெஞ்சில் பசுமரத்தாணியாய் பதிந்திருக்கும். ஆனால் இன்று அந்த கலிமா சடங்குகளாக ஆகிவிட்டனவா ?

கொடுவா தூக்கி வருபவனை பார்த்து கொன்டை  கோழி ஒருபோதும் கொரவளையை காட்டாது என்பது போல்.....

ஒரு ஜமாத் அதன் வளர்ச்சியின் கட்டங்களில் நிர்வாக வசதிக்காக உள்கட்டமைப்புகளை விரிவு படுத்திக் கொள்வது அல்லது பிரித்துக்கொள்வது என்பது நியாயமான ஒன்று. இதில் தனிப்பட்ட எந்த காரணிகளையும் கருத்தில் கொள்ளப்பட மாட்டாது. மாறாக அந்த ஊரில் வாழும் அனைவரின் நன்மையும், ஊரின் முன்னேற்றமும் மட்டுமே கருத்தில் கொள்ளப்படும். ஆனால் கிழக்கு , மேற்கு , பிராந்திய வாதங்களின் பெயராலோ அல்லது ஒரு சிலரின் பதவி சுகத்திற்காகவே தங்களின் பின்புலத்தில் ஏற்படும் பிரிவுகள் ஊரின் ஒற்றுமைக்கும் வளர்ச்சிக்கும் குந்தகமாகவே அமையும்.

நமதூரின் தந்தை , தொலைநோக்கு பார்வையில் நமதூருக்கு எந்த ஒரு எதிர்பார்ப்பும் இல்லாமல் கொண்டு வந்த பாதாள சாக்கை  திட்டம். ஆனால் இது போன்ற பல நல்ல விசயங்களை கொண்டு வந்த மரியாதைக்குரிய ஜனாப் ஜமாலியா சாஹிப் அவர்களை இழிவு படுத்தியது இந்த ஜமாத்தான் என்பதை வரலாறு பதிவு செய்து வைத்திருக்கின்றது.

நாம் இணக்கமாக இயங்குவதற்கென நம்மால் உருவாக்கப்பட்டது தான் ஜமாத்துக்கள். ஆனால் இத்தனை ஆண்டுகளுக்குப் பின்னாலும் திசையின் பெயரால், வாகிரா பெயரால் ஏற்படும் பிளவுகளுக்கு சரி செய்ய இயலவில்லை. காரணம் முஸ்லிம்கள் அனைவரும் எனது சகோதரர்கள் என்று உறுதிமொழிகள் எடுத்துக் கொண்டாலும் உண்மையான ஒற்றுமை, சகோதரத்துவம் உள்ளத்தில் முகிழ வில்லை என்பதே உண்மை. இதை பார்க்கும் போது உண்மை செருப்பு மாட்டுவதற்கு முன் பொய் ஊர் சுற்றி வந்துவிடுமாம் அது போலதான் உள்ளது நம்முடைய நிகழ்வுகள்.

இரண்டு ஜமாத்துக்கிடையில் உள்ள பிரச்சனைகளை பற்றி  பேசப்படும் போதெல்லாம் அது பேரூராட்சி தலைவருடன் முடிச்சி போடப்படுகின்றது. பேரூராட்சி தலைவர் ஆசை கொண்டவர்களின் தூண்டுதலே இதன் பின்னணி என காரணங்கள் கற்பிக்கப்படுவதுண்டு. அவைகள் மட்டுமே காரணங்கள் அல்ல. எப்போதெல்லாம் நம்முடைய ஜமாத், மக்கள் விரோதபோக்குடன் , தன்னிச்சையாக செயல்படுகின்தோ அப்போதெல்லாம் இது போன்ற பிரிவினை வாதங்கள் உயர்ந்திருக்கின்றது என்பதை நமதூர் வரலாற்றை தெரிந்தவர்களால் மட்டுமே புரிந்து கொள்ள முடியும்.

சுருங்கச் சொன்னால் கிழக்கு , மேற்கு பிரிவினைபார்காமல் இருக்கும் வரை இது போன்ற பிரிவினை வாதங்களுக்கு தீர்வு காணமுடியாது என்பதுதான் பிரிந்து கிடக்கும் ஜமாத்தால் கூட மறுக்கமுடியாத உண்மை.

நமது நிருபர்.