25-12-12 ல் மாநாடு கூட்டமான சொற்பொழிவு கூட்டம்

பிஸ்மில்லாஹிர்ரஹ்மானிர்ரஹீம்.

25-12-2012 அன்று நமது தாருஸ்ஸலாம் தவ்ஹீத் பள்ளிவாசல் வளாகத்தில் பெண்களுக்கான மார்க்க சொற்பொழிவு நிகழ்ச்சி செய்திட நிர்வாகம் ஏற்பாடு செய்திருந்தது. நிகழ்ச்சி சிறியதாக இருக்கையில், பல விமரிசங்களுக்கிடையிலும், பல தடைகளுக்கிடையிலும் நடத்த ஏற்பாடு செய்துள்ளபடியால், அல்லாஹ்வின் அருளால் நாடியவர்களாக நமது ஜமாஅத்தார்கள் நெஞ்சுருகி கையேந்தி கேட்ட துஆக்களின் பலனாக, நிகழ்ச்சியை, பெரிய மாநாடு கூட்டம் பொல ஆக்கித்தந்த அல்லாஹுவுக்கே எல்லாப் புகழும்.

இந்நிகழ்ச்சி பெண்களுக்கென்று சிறப்பு ‘பயான்’ என்கிறபடியால், நமதூரில் வாழும், மார்க்கப்பற்று கொண்ட அனைத்து விசுவாசிப் பெண்மணிகளும் பள்ளிவாசல் வந்து ’பயான்’ கேட்டு பயனடைந்தார்கள்.

                காலை 10.00 மணிக்கு தொடங்கிய நிகழ்ச்சி மாலை 5.15 மணியுடன் நிறைவுபெற்றது. சகோதரி ஆலிமா வாஜிதா சித்தீக்கிய்யா, (ஆசிரியை, தாருஸ்ஸலாம் தவ்ஹீத் பள்ளிவாசல்) அவர்கள் ”மரணத்தின் போது மனிதனின் நிலை” என்கிற தலைப்பில் சுமார் ஒரு மணிநேரம் தலைப்பை விட்டு பிரலாமல், மக்கள் மனதை தொடும் வண்ணம் பேருரையாற்றி, கேட்கிறவர்களை பயனடைய வைத்தார்கள். அல்லாஹ்வுக்கே எல்லா புகழும்.

     அதன் பின் சகோதரி ஆலிமா ஷான் ராணி (இஸ்லாமிய பிரச்சாரகர், ஏகத்துவ பிரச்சார மையம்) அவர்கள் முதல் கட்டமாக பேருரையாற்றினார். அவர் எடுத்துக்கொண்ட தலைப்பு ‘மரணத்திற்குப்பின் மனிதனின் நிலை’. இவ்வுரை ளுஹர் தொழுகைவரை நடந்தது.

                வந்திருந்தோர் அனவருக்கும் மதிய உணவு அளிக்கப்பட்டது. ளுஹர் தொழுகை, மதிய உணவு இவைகள் இரண்டும் முடிந்த பின்னர், கூட்டம் கலையாமல் மார்க்க ஆர்வத்தில் திழைத்த பெண்களின் முன், சகோதரி ஆலிமா ஷான் ராணி மீண்டும் தோன்றி தனது இரண்டாம் கட்ட நிகழ்ச்சியாக ’ஜனாஸாவை குளிபாட்டி கஃபன் இடுவது’ பற்றி செய்முறை வகுப்பு நடந்திக் காட்டினார். பார்வையாளராக வந்திருந்த சகோதரி ஒருவரை மேஜைமீது கிடத்தி உண்மை காட்சி போல அமைத்து, மக்களுக்கு விளங்க வேண்டும் என்கிற எண்ணத்துடன் ஆலிமா செய்தது முற்போக்கு சிந்தனையல்லவா. நிகழ்ச்சியின் இடையிடையே வரும் கேள்விகளுக்கு பதில் விளக்கம் கொடுத்து விசுவாசிகளுக்கு பயனுள்ளதாகவும், நல்ல பயிற்சியாகவும் ஆலிமா ஆக்கித்தந்த்து அல்லாஹ்வின் கிருபையே. அல்லாஹ் அக்பர்.

                எதிர்பார்ப்புக்கு மிஞ்சி, சொற்பொழிவுக்கு வருகைநபர் அதிகமிருந்ததால், நிர்வாகம் சில வசதிகளை வந்திருந்தோர் சிலருக்கு தாமதமாக செய்துள்ளது. நிர்வாகத்தின் கவனக்குறைவுக்காக மக்களிடத்தில் வெளிபடுத்தி, மனப்பொருத்தம் தேடுகின்றோம். அல்லாஹ்வின் அருள் நாடும்

மின்னஞ்சல் மூலமாக 

தாருஸ்ஸலாம் தவ்ஹீத் ஜமாஅத் நிர்வாகம்.