பந்திகளின் முறைகளை மாற்றி அமைக்கப்படுமா ?
பந்திகளின் முறைகளை மாற்றி அமைக்கப்படுமா ? என்று நமதூர் பெரியவர்கள் முதல் சிறியவர்கள் வரை புலம்பிக்கொண்டு இருப்பதை நம்மால் உணரமுடிகிறது. இதற்கான நமதூர் பந்தியில் இருந்து ஓர் அலசல் ரிப்போர்ட்...
நமதூர் பாரம்பரிய பந்தியாக பந்தியானத்தை மட்டுமே கையாண்ட நாம், டீசன்ட் மற்றும் வெளியூர் காரர்களுக்கு ஒத்துவராமை காரணத்தினால். நமதூரில் சில வருடங்களாகவே பிரியாணியை மட்டுமே பார்க்க முடிந்தது. பிறகு அது ஒருசிலருக்கு பாதிப்பு வரும் காரணத்தினால், சிறிது சைவ உணவும் ஏற்பாடு செய்து அது தனியாக சிலருக்கு பரிமாறி கொண்டும் வருகின்றனர்.
இப்பொழுது பிரியாணியை கூட ஓரம் கட்டும் அளவிற்கு சைவ உணவு மிஞ்சி வருகிறது. தற்போது பார்த்தால் சைவ உணவு இடத்தில் சிறியவர்கள் முதல் முதியவர்கள் வரை கூட்டம் அலைமோதிக்கொண்டுள்ளது. இந்த சைவ உணவுக்கு கூட 3 அல்லது 4 பந்தி கழித்துதான் இடம் கிடைக்கிறது. பெண்கள் , ஆண்கள் என இருவருமே சிறியவர்களை நீங்க எல்லாம் பிரியாணி போய் சாப்பிட வேண்டியதுதானே! என்று அவர்களை பாடாய் படுத்துகின்றனர்.
இது ஒருபுறம் இருக்க அசைவம் சாப்பிடும் மக்களிடம் கேட்டால் கரி துண்டு மட்டும் இல்லன்னா, நானும் சைவதுக்குதான் போய்டுவேன், என்று கூறுகிறார்கள்.
இதற்க்கு தீர்வுதான் என்ன என்று நமது நிருபர்கள் அலசி ஆராய்ந்து பார்க்கும் பொழுது..... அசைவம் அதாவது பிரியாணியோ! அல்லது குஸ்காவோ! முதலில் இனிப்பு வைப்பதுபோல ஒரு சிறிய துண்டு கறியோடு ஒரு சிறிய கோப்பையில் வைத்துவிட்டால். பிறகு சைவத்தை கொண்டு பரிமாறலாம். தனது திருமணதிற்கு வருபவர்கள் நன்றாக சாப்பிடவேண்டும் என்றால் இதுதான் சரியான வழி என்று நமக்கு புலப்படுகிறது. இது ஏழை எளிய மக்களுக்கு பொருந்தாது. விரும்பினால் அவர்கள் வசதிக்கு ஏற்றவாறு ( வெளியூர் வாசிகள் சிலருக்கு பந்தியானம் பிடிக்காமல் போகும் காரணத்தினால்) பந்தியானமும் ரசமும் போட்டாலே போதும்.
இப்படி காலங்கள் மாரிவருவதினால் இன்று " எல்ல வூட்டுக்கும் எல்லாருக்கும் சொர்சொல்லிருக்கு! எல்லாம் மதியம் 1 மணிக்கு சாப்பிட வந்துருங்க! " என்ற வார்த்தையே அழிந்ததைதான் நமது கலாச்சாரம் இந்த தலைமுறைக்கு சுட்டி காட்டுகிறது. எப்படி காலங்கள் மாறிவிட்டது என்பதை பார்த்தீர்களா?
நமது நிருபர்.
கருத்துகள் இல்லை:
கருத்துரையிடுக