அல்லாஹ்வை ஏற்றுக்கொண்ட
அடியார்களை அல்லாஹ் சொர்கத்தில் சேர்க்கும் பொருட்டு சின்ன சின்ன அமல்களுக்கும்
கணக்கிலடங்கா நன்மைகளை அள்ளித்தருகிறான். இதுபோக மெகா ஜாக்பாட் பரிசுகளை தரக்கூடிய
அமல்களை தனது திருத்தூதர் ஸல்லல்லாஹு அலைஹி வஸல்லம் அவர்கள மூலம் தன்னுடைய அடியார்களுக்கு
அருளியுள்ளான்.
அப்படிப்பட்ட மகத்தான அமல்தான் அரஃபாநோன்பு. இந்த நோன்பை பற்றி இறைத்தூதர்
ஸல்லல்லாஹு அலைஹி வஸல்லம் அவர்கள் கூறினார்கள்; ''நாட்களில் மிகச்சிறந்த நாள் அரஃபாவுடைய நாள்.'' (ஆதாரம்:
ஸஹீஹ் இப்னு ஹிப்பான்)
فقد ورد عن أبي قتادة رضي الله عنه أن رسول الله صلى
الله عليه وسلم سئل عن صوم يوم عرفة فقال : " يكفر السنة الماضية والسنة
القابلة " رواه مسلم
அரஃபா நோன்பு (நோற்பவருக்காக) அந்த நாளுக்கு முந்திய வருடத்தின்
பாவங்களையும் அதற்கு பின்னுள்ள வருடத்தின் பாவங்களையும் அல்லாஹ் மன்னிப்பான் என
நான் நம்புகின்றேன் என்று நபி ஸல்லல்லாஹு அலைஹி வஸல்லம்அவர்கள் கூறினார்கள்.
(ஆதாரம்-முஸ்லிம்.)
இப்னு அப்பாஸ் ரளியல்லாஹு அன்ஹு அறிவித்தார்கள்;
''நபி ஸல்லல்லாஹு அலைஹி வஸல்லம் மதீனா வந்தபோது யூதர்கள் ஆஷுரா நாளில்
நோன்பு நோற்றதைக் கண்டார்கள்.
'இது என்ன நாள்?' என்று கேட்டார்கள்.
யூதர்கள் 'இது நல்ல நாள், இஸ்ரவேலர்களை அவர்களின்
எதிரிகளிடமிருந்து அல்லாஹ் காப்பாற்றிய நாள்; இதற்காக மூஸா அலைஹிஸ்ஸலாம்
அவர்கள் நோன்பு நோற்றார்கள்' என்று கூறினார்கள்.
நபி ஸல்லல்லாஹு அலைஹி வஸல்லம் அவர்கள்,
'உங்களைவிட மூஸாவுக்கு அதிக உரிமை படைத்தவன் நான்" என்று கூறிவிட்டுத்
தாமும் நோன்பு நோற்று, நோன்பு நோற்குமாறு
(மக்களுக்குக்) கட்டளையும் இட்டார்கள்'' (ஆதாரம்-புகாரி 2004)
என்ன சகோதரர்களே! ஒருநாள் நோன்புக்காக இரண்டுவருட பாவங்களை மன்னிக்க
அல்லாஹ் ரெடி, நீங்க ரெடியா..?
கருத்துகள் இல்லை:
கருத்துரையிடுக