
மக்கா:IFF என்னும் இந்தியா ஃபிராட்டர்னிட்டி ஃபோரம் வருடா வருடம் புனித ஹஜ் கடமையை நிறைவேற்ற வரும் ஹாஜிகளுக்கு தன்னலமற்ற தொண்டுகள் பல ஆற்றி வருகின்றது. இந்த வருடமும் அவர்களின் சேவை அபாரமாக இருந்தது. IFF தன்னார்வத் தொண்டர்கள் அரஃபாவிலும், முஸ்தலிபாவிலும், கூடார நகரமான மினாவிலும் பெரு வெள்ளமாகத் திரண்டு சென்ற ஹாஜிகளுக்கு இடைவிடாது சேவைகள் செய்தனர். இது ஹாஜிகளுக்கு மிகுந்த உதவியாகவும், நிவாரணமாகவும் இருந்தது.
குறிப்பாக கூடார நகரமான மினாவில் IFF தன்னார்வத் தொண்டர்களின் சேவை தனித்துவமிக்கதாக இருந்தது.

பின்பு துல்ஹஜ் எட்டாம் நாள் துவங்கி ஹாஜிகள் அரஃபாவிற்குச் சென்று சேர தேவையான அனைத்து உதவிகளையும் செய்தனர்.

குறிப்பாக வயோதிகளுக்கும், பலவீனமானவர்களுக்கும், நோயாளிகளுக்கும் அனைத்து விதமான உதவிகளையும் IFF தன்னார்வத் தொண்டர்கள் செய்தனர். மேலும் முஸ்தலிபாவிலிருந்து மினாவிற்குத் திரும்பும் சமயத்தில் பல ஹாஜிகளுக்கு சக்கர நாற்காலிகளின் மூலமும் தங்களின் உதவிகளை வழங்கினர்.

இவரது சீரான ஒருங்கிணைப்பிலும், IFFன் தலைவர் அஷ்ரஃப் மோராயூர் அவர்களின் வழிகாட்டுதலிலும் இந்தச் சேவைகள் சிறப்பாகச் செய்யப்படுகின்றன.

கூடாரத்தை எளிதில் கண்டுபிடிக்கவும், வழி தவறிய ஹாஜிகள் தங்கள் கூடாரங்களுக்கு மிக எளிதாகத் திரும்பி வரவும் எளிதான தோற்றம் கொண்ட இந்த வரைபடம் மிகவும் பயனுள்ளதாகவும், உதவிகரமாகவும் இருந்ததாக ஹாஜிகள் நெகிழ்ச்சியுடன் கூறினார்கள்.
நன்றி தூது ஆன்லைன்
கருத்துகள் இல்லை:
கருத்துரையிடுக