ஊரை முன்னேற்றம் அடைய செய் ! தீன் இயக்கத்தை அடகு வைக்காதே !!

அஸ்ஸலாமு அலைக்கும் (வரஹ்)

முதலில் நம் இணையத்தளத்தின் மூலமாகவும் , வாசகர்கள் உங்கள் சார்பாகவும் புதியதாக 
தேர்ந்தெடுக்கப்பட்ட தீன் இயக்கத்தின் தலைவர் மற்றும் நிர்வாகிகளுக்கு வாழ்த்துக்களை தெரிவித்து கொள்கிறோம் .

கடந்த கால தீன் இயக்கத்தின் செயல்பாடுகள் நாம் அனைவரும் அறிந்ததே !

இனி வரும் காலங்களில் தீன் இயக்கம் ஊர் முன்னேற்றத்திற்கு பாடுபடுமா ?அல்லது பழைய மாதிரி ஜமாத்துக்கு அடிமையாகவே இருக்குமா ?

நாம் இதை குறை செல்லுவதற்காக செல்லவில்லை . ஏனெனில் காலம் காலமாக இவர்களின் செயல்பாடுகிறார்கள் ஆனால் ஊரில் எந்த ஒரு முன்னேற்றமும் இல்லை .


24.08.2012 அன்று நடைபெற்ற தீன் இயக்கத்தின் கூட்டத்தில் நமது இணையத்தளத்தை பற்றி புதியதாக தேர்தெடுக்கப்பட்ட தலைவர் கண்ணிய குறைவாக பேசியதாக நாம் கேள்வி பட்டோம் . ஒரு தலைவரின் பேச்சு எப்படி அமைய வேண்டும் என்பதை முதலில் தெரிந்து கொள்ளுங்கள் .

அல்லாஹ் தன் திருமறையில் கூறுகிறான் :

நம்பிக்கையாளர்களே ! நீங்கள் நீதத்தின் மீதே உறுதியாக நிலைத்திருங்கள். ( நீங்கள் சாட்சி கூறினால் அது ) உங்களுக்கோ ,உங்கள் தாய் , தந்தைக்கோ அல்லது உங்கள் உறவினர்களுக்கோ பாதமாக இருந்தபோதிலும் அல்லாஹ்வுக்காக (உண்மையையே) சாட்சி கூறுபவர்களாக இருங்கள் .
( நீங்கள் யாருக்காக சாட்சி கூறுகிறீர்களோ ) அவர் பணக்காரராயினும் ஏழையாயினும் ( உண்மையையே கூறுங்கள் . ஏனென்றால் ) அல்லாஹ் அவ்விருவருக்குமே ( உதவி செய்ய ) மிகத் தகுதியானவன் .
ஆகவே , நீங்கள் ( உங்கள் ) ஆசை ( அபிலாஷை )களைப் பின்பற்றி வரம்பு மீறாதீர்கள் !( பரிவு அல்லது குரோதத்தை முன்னிட்டு ) நீங்கள் தவறாக ( சாட்சி ) கூறினாலும் அல்லது ( சாட்சி ) கூற மறுத்தாலும் நிச்சயமாக அல்லாஹ் உங்களுடைய ( இத்தவறான ) செயலை நன்கறிந்து கொள்வான் .

                                                                                                                   அல் குர்ஆன் 4 : 135

இந்த நிகழ்காலத்திலும் ஓர் முன்மாதிரியான தலைவரை உங்களுக்கு அறிமுக படுத்துகிறோம் . இனி வரும் காலங்களில் உங்கள் வார்த்தைகளை கண்ணியமாக பொது இடத்தில் வெளியிடுங்கள் .

“நான் நல்லதைச் செய்தால் எனக்கு ஒத்துழையுங்கள் . நான் தவறு செய்தால் என்னைத் திருத்துங்கள். நேரான பாதைக்கு அழைத்து வாருங்கள் ” இது எகிப்து புதிய அதிபர் முர்ஸின் அதிகாரப்புர்வமாக வெற்றிக்கு பின் அவர் மக்கள் முன் கூறிய வார்த்தைகள்தான் அது .

ஆனால் தீன் இயக்கத்தின் தலைவர் அன்று கூறிய வார்த்தையும் , எகிப்து அதிபர் கூறிய வார்த்தையும் ஒப்பிட்டு பாருங்கள் .

அடுத்ததாக இவர்களுக்கு முன் உள்ள சவாள்கள் .

நோற்று வந்தவர்கள் "தாருஸ்ஸலாம் "இவர்கள் ஒரு சிறிய ஜமாத்தான் . ஆனால் இன்று இவர்கள் செயல்பாடுகள் உதாரணத்திற்கு “ ஆரம்ப பள்ளி கூடம் , வட்டி இல்லாத கடன் திட்டம் , வாழ்வாதார உதவிகள் , பித்ரா வினியோகம் போன்ற அருமையான செயல் பாடுகள் . இது மட்டும்
இல்லை . துபாயில் இவர்களுடை ஜமாத் சார்பாக மாதத்தில் முதல் வெள்ளி கிழமையில் ஒருங்கினைப்பு கூட்டம் , ஊரில் ஜமாத்தின் செயல் பாடுகள் , முறையான கணக்கு வழக்குகள் .

இது ஒரு சில உதாரணம்தான் . இது போன்ற செயல்பாடுகளை ததஜா , தமுமுக , பிஎப்ஜ இவர்களும் தங்களான உதவிகளையும் செய்து வருகின்றனர்.

ஆனால் தீன் இயக்கம் என்ன செய்து கொண்டு இருக்கிறது . இவர்கள் என்ன திட்டத்தை செயல் படுத்துவார்கள் என்று பார்த்தால் கிழக்கு பள்ளிவாசளில் மண்டபம் கட்டி விட்டார்கள் .நாமும் மண்டபத்தை கட்டுவதற்கான முயச்சியை எடுக்க வேண்டும் என்பது தான் இவர்களின் திட்டமாக உள்ளது .
கொஞ்சமாவது உங்களுக்கே தெரியவேனா . நோற்று வந்தவர்கள் எல்லாம் எப்படி வளர்ச்சி அடைந்து கொண்டு வருகிறார்கள் . ஏன் நாம் மட்டும் எந்த ஒரு சிந்தனை இல்லாமல் இருக்கிறோம் .

ஒரு காலத்தில் களத்துரானை போல் ஏன் இருக்கிறாய் என்றோம் . ஆனால் இன்று அங்கே உள்ள ஜமாத் மற்றும் அவர்களின் வெளிநாட்டு ஒருங்கினைப்பு மிக அருமையாக உள்ளது .
 
அல்லாஹ் தன் திருமறையில் கூறுகின்றான்:

“ எந்த ஒரு சமுதாயம் தன்னுடைய நிலையை தானே மாற்றி கொள்ளாத வரையில் அல்லாஹ் அவர்களை மாற்றுவதில்லை “

                                                                                                                                 அல் குர்ஆன்

இனியேனும் சமூக பொறுப்புடன் செயல்படுவார்களா தீன் இயக்கம் ?

தகவல் அமீரகத்தில் இருந்து நமது நிருபர்