கைகொருத்தாடிய
தெருக்களெல்லாம்
கபளிகரமாக கையாடப்பட்ட
வேதனையை என்சொல்வேன்...
பள்ளியிலும் மதரஸாவிலும்
பாசத்தோடு
பாடங்களைபடித்து விட்டு
பாங்கான நண்பர்களை
பகுதியாய் பிரித்துக்கொண்டு
அடுப்புச்சாம்பலால்
ஐந்து கோடுகளாய்
அடையாளமிடப்பட்டு
அங்கொன்றும் இங்கொன்றுமாய்
அரை நிர்வாணமாய்
கோமளத்தை
...தெரிய மடித்துக்கொண்டு
குஸ்த்திபடி குதித்தாடிய
தெருக்களெல்லாம்
படிகளாலும் படுகுழிகளாலும்
பயணிக்க முடியாமல்
பழுதடைந்து போகும்
வேதனையை என்சொல்வேன்...
அவரவர் கட்டும் வீடுகளால்
அரைத்தெருவை
அபகரித்துக்கொண்டு
அடுத்தவரை
அல்லல்பட வைப்பதில்
அவர்களுக்கென்ன ஆனந்தம்
இரண்டு ஆட்டோவரக்கூட
இடமில்லாது இடத்தை
இடைமரித்துக் கொண்டதை
இல்லை...
இறந்தபின்
இறுதி ஊர்வலத்திற்கு
இட்டுச்செல்லும் சந்தூக்கை
சரியாய் வைக்ககூட
வகையில்லாமல் போன
வேதனையை என்சொல்வேன்...
தெருவுக்கு நாலு பாவிட்டு
பசைகுடித்தத் தெருவெல்லாம்
பாவாத்தும்
பாதங்களால் அல்லவா
பதிந்ததும் விரிந்ததும்
கோலியாடவும்
செல்லாங்குச்சியாடவும்
கொடிகட்டக் களை(கம்பு)நடவும்
குழிதோண்டும்போதெல்லாம்
குச்சிபிடித்த கையல்லவா
கோரை(காய)ப்பட்டது
கண்ணாம்புச்சியாடவந்து
சாட் புட் த்திரி சொல்லி
சாட்பாலாடினாலும்
அவ்வாபெந்தாடினாலும்
இருட்டிலே ஓடினாலும்
இடறிடாமல்
விரிந்திருந்த தேனன்று
வெளிச்சம் வந்த பின்னும்
விரைகின்ற எங்களை
கீழே விழத்தாட்டும்
வேதனையை என்சொல்வேன்...
நீளுகின்ற பாதையெல்லாம்
ஊர்தோறும் விரிகின்றபோது
நீண்டு நின்ற நீயெல்லாம்
நெருங்கியதால்
கபடியாட காளையர்
காணாமல் போன
வேதனையை என்சொல்வேன்...
இன்ஷா அல்லாஹ் மீண்டும் ஒரு ஆரோக்கியத்தின் மடலில் சந்திப்போம்
கருத்துகள் இல்லை:
கருத்துரையிடுக