அருளாளன் அன்பாளன் அல்லாஹ்வின் திருப்பெயரால்...
நம் சமுதாயம் எதிர்கொள்ள வேண்டிய மிகப்பெரிய பிரச்சனை நம்மில் நிலவும் ஒற்றுமையின்மை தான். மறுமைப்பற்றி பயம் இல்லாமல் அற்ப உலக சுகத்திற்காகவும் அற்ப பதவி ஆசைக்காகவும் பல பிரிவுகளாக
பிரிக்கப்பட்டு நம் சமுதாயத்தை வேறு அறுக்க நினைக்கும் பாசிஸ்ட்களுக்கு சாதகமாகவே ஒருவருக்கு ஒருவர் குறை கூறுவது , பகைமை உணர்வுடன் பார்ப்பது. பொது மேடையில் திட்டுவது இன்று வாடிக்கையாகி விட்டது.
நம்மிடம் நிலவும் பார்வை:
இன்று நம் சகோதரர்களை சகோதரர்களாக பார்க்கிறோமா ? அவர்களும் முஸ்லிம்கள் தானே. ஆனால் நாம் இன்று பார்ப்பது அவன் சுன்னத் ஜமாத்காரன் , தாருஸ்ஸலாம் , த.த.ஜ , த.மு.மு.க , விடியல் வெள்ளி என்றும் இன்னும் பல இயக்கங்கள் பெயர் கொண்டு அழைக்கிறோம். ஏன் இந்த நிலை
நமக்கு மட்டும். நம் சமுதாயத்தை பற்றியும் நம் ஊரை பற்றியும் நினைத்தோமா ? நம்மில் சிலர் கட்சிகளுக்காகவும் இயக்கங்களுக்காவும் உழைத்து கொண்டு இருக்கிறோம். ஆனால் நாளை மஹசர்
மைதானத்தில் அல்லாஹ் நம்மை இப்படி பிரித்து அழைக்கமாட்டான்.
இதன் விளைவுகள் :
இந்த ஒற்றுமையின்மையால் நம்மை அழிக்க நினைக்கும் கும்பல் அதிகமாக நமதூரில் பரவுகின்றார்கள். நமக்கு எதிராக பல சதி வேலைகளை அவர்கள் செய்ய சாதகமாக நாமே நம்மை அறியாமல் உதவுகின்றோம்.
அரசு அதிகாரிகள் நம் ஒற்றுமையின்மை பயன்படுத்தி கொள்கிறார்கள். நம் ஓட்டை பிரிப்பதற்கு அரசியல் கட்சிகளுக்கு சாதகமாக அமைகிறது. ஆதனால் தான் காலம் முழுக்க ஏமாறும் சமுதாயமாக இருக்கிறோம்.
நமது ஊருக்கு வரும் நல்ல திட்டங்களும் நமது ஒற்றுமையின்மையால் கிடப்பிலும் , நமக்கு வராமலும் போய் கொண்டு இருக்கின்றன. அதில் ஒன்றுதான் தமிழகத்திலேயே முதல் முறையாக நம் ஊருக்கு கொண்டு
வரப்பட்ட பாதாள சாக்கடை திட்டம் ஏறக்குறைய 39 ஆண்டுகள் ஆகியும் கிடப்பில் கிடைக்கிறது. கட்சிகளுக்கு உழைக்கும் நம்மில் பலர் அடிமட்ட தொண்டனாகவே இருக்கிறோம். இந்த நிலை மாற வேண்டும்.
தீர்வும் பலனும்:
நமக்கு இருக்கும் ஒரே கடமையான வாக்குறுமையை நாம் ஒழுங்காக பயன்படுத்த வேண்டும். காலகாலமாக அரசியல் கட்சிக்கு பின்னாடி போய் கொண்டு கொடி பிடித்து கொண்டும் அடிமைகளாக வாழும் நிலை மாற வேண்டும். நம் ஓட்டுகள் அனைத்தும் ஒன்று சேர வேண்டும். சேர்ந்தால் தான்
நாம் அரசியல் அதிகாரம் பெற முடியும். சமுதாய ஒற்றுமையாக நாம் ஒன்று சேர வேண்டும். இல்லையென்றால் அன்னிய மண்ணில் அடிமைகளாகவும் , சொந்த மண்ணில் அகதிகளாகவும் , வாழும் நிலை நீடிக்கும் .
---சேக் ராசித் LBK
கருத்துகள் இல்லை:
கருத்துரையிடுக